खिमराज चालिसे, (चन्डिगढ)
मूल प्रवाह अखिल भारत नेपाली एकता समाज हिमाचलको रिकांगपिओमा एरिया समिति गठन भएको छ ।
हिमाचल समितिका अध्यक्ष बिरु श्रेष्ठको प्रमुख उपस्थिति र सहसचिव मिथुन सिंहको विशेष उपस्थितीमा १९ जनवरी २०२५ आईतबारका दिन मोरङकेची मोड एरिया समिति गठन भएको हो ।
कार्यक्रममा मूल प्रवाहको विधान घोषणापत्रमाथि व्यापक छलफलपछि भेलाले बवुलुकुमारको अध्यक्षतामा १५ सदस्यीय एरिया समिति गठन गरेको थियो ।
समितिको उपाध्यक्षमा रामबहादुर, सचिवमा राजुकुमार, सहसचिवमा बिसनकुमार र कोषाध्यक्षमा तुलाराम रहनुभएको छ।
त्यस्तै, सदस्यहरूमा दिपा देवि, भीमबहादुर, राम प्यारी र प्रकाश कुमार रहनुभएको छ भने वैकल्पिक सदस्यहरूमा धर्मा सिला, गोपाल र कला देवि रहनुभएको छ ।
त्यसैगरि सल्लाहकारमा जनक खड्का, लक्ष्मण थापा रहनुभएको छ भने एक स्थान रिक्त राखिएको छ ।
भेलामा रिकांगपिओ नगर अध्यक्ष गोपाल जंग शाही, नगर सहसचिव नरेन्द्रकुमार र नगर कोषाध्यक्ष रतन तिरुवाको पनि उपस्थिती रहेको थियो ।
