खिमराज चालिसे, लुधियाना (भारत) ।
भारतको लुधियानाबाट अखिल भारत नेपाली एकता मञ्चमा दर्जनौँ कार्यकर्ता मूल प्रवाह अखिल भारत नेपाली एकता समाजमा प्रवेश गरेका छन् ।
जनवरी १२, २०२५ का दिन लुधियाना सिटी र फोकलप्वाइन्ट नगर समितिद्वारा आयोजित एक औपचारिक कार्यक्रममा उनीहरू मूल प्रवाहमा प्रवेश गरेका हुन् ।
समारोहमा नवप्रवेशीलाई केन्द्रीय सचिव एवम् सुदूर पश्चिमोत्तर क्षेत्रीय समितिका अध्यक्ष प्रेम सापकोटा, केन्द्रीय सदस्य दिनेश खड्का, केन्द्रीय सदस्य कुलबहादुर बगाले र केन्द्रीय सल्लाहकार राजकुमार शाहीले सामूहिक रूपमा मूल प्रवाहको सदस्यता प्रदान गर्दै फूलमाला, टीका र अबिर लगाएर स्वागत गर्नुभएको थियो ।
अध्यक्षमा नागरी
कार्यक्रममा इन्द्रसिंह नागरीको नेतृत्वको टोलीले एकता मञ्च परित्याग गरी मूल प्रवाहमा प्रवेश गरेको थियो ।
नवप्रवेशीमा लालबहादुर नेपाली, लाहुरे भुल, राकेश भुल, राहुल भुल, शङ्कर भुल (ए), राम नेपाली, टेकबहादुर बोहरा, केशव भुजेल, मोहन भुल, सुरज परियार, कृष्ण कटुवाल, निशान धामी, कमल सागर, भरत परियार, अमृत भुल ( बी), सागर भुल, हर्क भुजेल, बाजी भुल, विजय भुल, गणेशबहादुर नागरी र लक्ष्मण मल्ललगायत हुनुहुन्छ ।
भेलाले नवप्रवेशीलाई समेटेर सिटी नगर समितिअन्तर्गत २१ सदस्यीय हेवोवाल डेयरी कम्प्लेक्स एरिया समिति गठन गरेको थियो ।
समितिको अध्यक्षमा इन्द्रसिंह नागरी, उपाध्यक्षमा लालबहादुर नेपाली, सचिवमा गोविन्द बिसी, सहसचिवमा निसान धामी र कोषाध्यक्षमा राम नेपाली रहनुभएको छ ।
त्यस्तै, सदस्यमा टेक बोहरा, कमल सागर, बाजे भुजेल, अमृत भुजेल, मोहन भुजेल, लाहुरे भुजेल, शङ्कर भुजेल, राहुल भुल, विजय भुल, राकेश भुल, सागर भुल, हरिश भुल, बाजी भुल, केशव भुल र शिव परियार रहनुभएको छ ।
नवगठित समितिको घोषणा मूल प्रवाह केन्द्रीय सदस्य खड्काले गर्नुभएको थियो ।
समारोहमा गत डिसेम्बर २२, २०२४ का दिन सम्पन्न क्षेत्रीय सांस्कृतिक प्रतियोगितामा द्वितीय भएको लुधियानाको सांस्कृतिक टिमलाई केन्द्रीय सचिव सापकोटा, केन्द्रीय सदस्य खड्का बगाले र केन्द्रीय सल्लाहकार शाहीले नगर समितिको तर्फबाट सम्मानपत्र दिएर सम्मान गर्नुभएको थियो ।
कार्यक्रम गोविन्द परियारको सञ्चालन, खुमबहादुर थापाको अध्यक्षता तथा उदयसिंह चन्दको स्वागत मन्तव्यसँगै सम्पन्न भएको थियो ।
