खिमराज चालिसे, चन्डिगढ (भारत) ।
भारतको हरियाणा हिसारमा मूल प्रवाह अखिल भारत नेपाली एकता समाजको टोल समिति गठन भएको छ ।
जनवरी १२, २०२५ आइतबारका दिन सम्पन्न भेलाले सो समिति गठन गरेको हो ।
सिटी एरिया समिति बी अन्तर्गत ऋषिनगरमा सम्पन्न सो भेलामा केन्द्रीय सदस्य तारा सोमरेले एकता समाजको गौरवमय इतिहासबारे सङ्क्षिप्त मन्तव्य राख्नुभएको थियो ।
भेलाले बाबुराम क्षेत्री अध्यक्ष रहनुभएको १३ सदस्यीय टोल समिति गठन गरेको छ ।
समितिको सचिवमा रिता विक, कोषाध्यक्षमा शारदा पौडेल तथा सदस्यमा हरि भाटक्षेत्री, नारायण मुखिया, सिर्जना मुखिया, पार्वती मुखिया, बालकृष्ण पौडेल, प्रकाश मुखिया, कमल पौडेल, सावित्रा पौडेल, आशिष पौडेल र प्रताप भाटक्षेत्री रहनुभएको छ ।
नवनिर्वाचित समितिलाई नगर समितिका अध्यक्ष बाबुराम पोख्रेल, केन्द्रीय परिषद् सदस्य केहरसिंह घर्तीमगर र महिला क्षेत्रीय विभागकी सदस्य चन्द्रा सोमरेले बधाई तथा सफल कार्यकालको शुभकामना दिनुभएको थियो ।
कमला बगालेको सञ्चालन तथा हरि क्षेत्रीको अध्यक्षतामा अघि बढेको सो भेलामा सावित्रा पौडेलले स्वागत मन्तव्य राख्नुभएको थियो ।
