खिमराज चालिसे, चन्डिगढ (भारत) ।
भारत हरियाणा राज्यको हिसारमा मूल प्रवाह अखिल भारत नेपाली एकता समाजका बेग्लाबेग्लै टोल समिति गठन भएको छ ।
बेग्लाबेग्लै मिति र स्थानमा सम्पन्न भेलाले मूल प्रवाहका दुईओटा टोल समिति गठन गरेका हुन् ।
फ्रेन्ड्स कलोनी
सिटी एरिया समितिअन्तर्गत फ्रेन्ड्स कलोनीमा जनवरी १०, २०२५ का दिन सम्पन्न टोल भेलाले नौ सदस्यीय टोल समिति गठन गरेको छ ।
भेलामा मूल प्रवाहका केन्द्रीय सदस्य तारा सोमरेले मूल प्रवाहको विधान र भारतमा मूल प्रवाहको आवश्यकताबारे स्पष्ट पार्नु भएको थियो ।
भेलामा मूल प्रवाह महिला क्षेत्रीय सदस्यहरू सीता पोख्रेल, चन्द्रा सोमरे, नगर महिला संयोजक दुर्गा ज्ञवाली र सदस्य गीता खनालको पनि उपस्थिति रहेको थियो ।
भेलाले गठन गरेको समितिमा अध्यक्षमा सविता शर्मा, सचिवमा पार्वती छहरी, कोषाध्यक्ष जीवन सोमरे र सदस्यमा शङ्कर छहरी, सरोज सोमरे,
कौसल छहरी, दीक्षा सोमरे, सरोज सोमरे र सुरज कडेल रहनुभएको छ ।
कार्यक्रम सुरज कँडेलको अध्यक्षतामा तथा जीवन सोमरेको सञ्चालनमा सम्पन्न भएको थियो ।
माडलटाउन
त्यस्तै, इन्ड्रस्ट्रियल एरिया समितिअन्तर्गत न्यू माडलटाउनमा हरि क्षेत्रीको पहलमा जनवरी ७, २०२५ का दिन भेला सम्पन्न भएको थियो ।
भेलामा केन्द्रीय सदस्य तारा सोमरेले मुल प्रवाहको आवश्यकताबारे स्पष्ट पार्नुभएको थियो । उपस्थित श्रमिकमाझ गहन छलफलपछि मूल प्रवाहको सदस्यता वितरण गरिएको थियो ।
भेलाले सुशील क्षेत्री अध्यक्ष रहनुभएको नौ सदस्यीय टोल समिति गठन गरेको छ ।
समितिको सचिवमा अशोक क्षेत्री, कोषाध्यक्षमा सहाना क्षेत्री, सदस्यमा लक्ष्मी क्षेत्री, रामु क्षेत्री, कुलदीप क्षेत्री, निशा क्षेत्री, कमला क्षेत्री र हरि क्षेत्री रहनुभएको छ ।
