वासिङटन । नवनिर्वाचित राष्ट्रपति डोनाल्ड ट्रम्पले शपथ ग्रहण गर्नुअघि नै विदेशमा अध्ययनरत अमेरिकी विद्यार्थीहरूलाई सम्बन्धित देशमा फर्कन आग्रह गरिएको छ ।

अमेरिकाका कलेज तथा विश्वविद्यालयले अमेरिकी आप्रवासन नीतिमा परिवर्तन हुन सक्ने भन्दै यस्तो आग्रह गरेका हुन् ।

ट्रम्पले आगामी जनवरी २० मा अमेरिकी राष्ट्रपतिको दोस्रो कार्यकालका लागि औपचारिक रूपमा शपथ लिनुहुने छ ।

देशभरका विश्वविद्यालयले विदेशमा रहेका विद्यार्थीलाई सल्लाह जारी गर्दै नयाँ प्रशासनअन्तर्गत कडा नियमको अपेक्षामा सावधानीपूर्वक आफ्नो यात्राको योजना बनाउन आग्रह गरेको सिएनएनले जनाएको छ ।

नोभेम्बर १८ मा अमेरिकी विदेश मन्त्रालय, शैक्षिक तथा सांस्कृतिक मामिला ब्युरोको अन्तर्राष्ट्रिय विद्यार्थीको तथ्याङ्कअनुसार २०२३–२४ शैक्षिक वर्षमा दुई सय १० भन्दा बढी मूल स्थानका ११ लाख २६ हजार ६९० अन्तर्राष्ट्रिय विद्यार्थीले अमेरिकी उच्च शिक्षा संस्थामा अध्ययन गरेका छन् । यो आँकडा अघिल्लो शैक्षिक वर्षको तुलनामा ७ प्रतिशतले बढी हो ।

ट्रम्पको शपथ ग्रहणअघि कर्नेल विश्वविद्यालयको ग्लोबल लर्निङ कार्यालयले आफ्नो वेबसाइटमा नयाँ राष्ट्रपति प्रशासनअन्तर्गत आप्रवासन परिदृश्य परिवर्तन हुने सम्भावना रहेको जनाउँदै विदेशी विद्यार्थीलाई आगामी वर्ष जनवरी २१ बाट सुरु हुने अर्को सेमेस्टर सुरु हुनुअघि फर्कन वा यात्रा योजनाबारे सल्लाहकारसँग कुरा गर्न र ढिलाइका लागि तयार रहन सल्लाह दिएको छ ।

शपथ ग्रहणपछि चाँडै यात्रा प्रतिबन्ध लागु हुने सम्भावना छ । यो प्रतिबन्धमा पहिलो ट्रम्प प्रशासनमा लक्षित देशहरू किर्गिस्तान, नाइजेरिया, म्यानमार, सुडान, तान्जानिया, इरान, लिबिया, उत्तर कोरिया, सिरिया, भेनेजुएला, यमन र सोमालियाका नागरिक समावेश हुने सम्भावना छ । यस सूचीमा चीन र भारत जस्ता नयाँ देश थपिन सक्छन् । यी “चिन्ताका क्षेत्र” बाहेकका अन्तर्राष्ट्रिय विद्यार्थी र विद्वान्लाई यात्रा प्रतिबन्ध वा लक्षित भिसा निलम्बनले प्रभावित गर्ने सम्भावना छैन’ कर्नेल विश्वविद्यालयको ग्लोबल लर्निङ कार्यालयले भन्यो ।

कार्यालयले भनेको छ– “उल्लिखित देशका अन्तर्राष्ट्रिय विद्यार्थी, प्राध्यापक र कर्मचारीले २०२५ जनवरी २१ देखि सुरु हुने सेमेस्टरअघि नै अमेरिका फर्किनु राम्रो हुन्छ । यदि यो सम्भव छैन भने सल्लाहकारसँग आफ्नो यात्रा योजनाबारे कुरा गर्नुहोस् र ढिलाइका लागि तयार रहनुहोस् ।”

विद्यार्थी नेतृत्वको मिडिया साइट युएससी एनेनबर्ग मिडियाका अनुसार युनिभर्सिटी अफ साउदर्न क्यालिफोर्निया अफिस अफ इन्टरनेसनल सर्भिसले अन्तर्राष्ट्रिय विद्यार्थीलाई यात्रासँग सम्बन्धित कुनै पनि चुनौतीबाट बच्नका लागि सबैभन्दा सुरक्षित तरिका जनवरी १३ मा बसन्त सेमेस्टर सुरु हुनुअघि अमेरिकामा शारीरिक रूपमा उपस्थित हुनु हो भनेर चेतावनी दिएको छ ।

राष्ट्रपति चुनावको नतिजापछि युसिएलएको आप्रवासन कानुन तथा नीति केन्द्रले नोभेम्बर ६ मा विद्यार्थीलाई दिएको सन्देशमा सन् २०२४ को राष्ट्रपति चुनावको नतिजाले अमेरिकाभरका आप्रवासी समुदायका लागि गम्भीर प्रश्न उठाएको बताएको छ ।

“आगामी ट्रम्प प्रशासनको नीति र भनाइले लाखौंँ आप्रवासीमा दीर्घकालीन प्रभाव पार्ने छ । यसमा विद्यार्थी, कर्मचारी र प्राध्यापकको रूपमा क्यालिफोर्निया विश्वविद्यालय ९युसी० को हिस्सा भएका पनि सामेल छन् । युसी नीतिअनुसार विश्वविद्यालयले न्यायिक वारेन्ट, सम्मन, अदालतको आदेश वा कानुनले अन्यथा आवश्यक नगरेसम्म गोप्य विद्यार्थी रेकर्डमा रहेको आप्रवासन स्थिति वा सम्बन्धित जानकारी जारी गर्ने छैन’ युसिएलएले भन्यो ।

म्यासाचुसेट्स इन्स्टिच्युट अफ टेक्नोलोजीले विद्यार्थीलाई नयाँ नीतिनियमको भविष्यवाणी गर्ने सामाजिक सञ्जाल र समाचार रिपोर्ट वा हल्लाका आधारमा निर्णय नगर्न आग्रह गरेको छ । विश्वविद्यालयले विद्यार्थीलाई हिउँदे बिदामा यात्रा योजनाको मूल्याङ्कन गर्नसमेत सल्लाह दिएको छ ।

ॅनयाँ प्रशासनले सन् २०२५ जनवरी २० मा शपथ लिने छ । यात्रा र भिसा प्रक्रियामा प्रभाव पार्न सक्ने नयाँ कार्यकारी आदेश त्यस मिति वा त्यसपछि कार्यान्वयन हुन सक्छन् । विद्यार्थी स्थितिमा अमेरिका फर्कन अमेरिकी दूतावासरकन्सुलेटमा नयाँ प्रवेश भिसाका लागि आवेदन दिनुपर्ने विद्यार्थीले लामो प्रक्रिया समयको सम्भावनाको मूल्याङ्कन गर्नुपर्छ र विदेशयात्रा गर्नुपर्ने र नयाँ प्रवेश भिसा जारी हुन पर्खनुपर्ने भएमा वैकल्पिक योजना बनाउनुपर्छ । कुनै पनि प्रक्रियागत ढिलाइले विद्यार्थीको योजनाअनुसार अमेरिका फर्कने क्षमतामा प्रभाव पार्न सक्छ’ यसले भनेको छ ।

ट्रम्पले सन् २०२४ को राष्ट्रपति अभियानका क्रममा आप्रवासन र मुद्रास्फीतिलगायत विभिन्न आन्तरिक मुद्दा समाधान गर्ने वाचा गर्नुभएको थियो । उहाँले आफ्नो “अमेरिका पहिलो” विदेश नीतिमा फर्कने सङ्केत गर्नुभएको छ । उहाँले कानुनी अनुमतिबिना अमेरिकामा बसिरहेका आप्रवासीको सामूहिक निर्वासनका लागि राष्ट्रिय आपत्काल घोषणा गर्ने पनि पुष्टि गर्नुभएको थियो । (राससरएएनआई)