हैदरावाद (भारत) । अर्घाखाँची जिल्ला सन्धिखर्क नगरपालिका–६ गुन्टिखोला स्थायी घर भएका स्मृतिशेष नरबहादुर परियारका ४३ वर्षीय छोरा यामबहादुर परियारको मूल प्रवाहले दाहसंस्कार गरेको छ ।
रोजगारीका लागि करिब केही दिनपहिले नेपालबाट हैदराबाद आएका परियारको डिसेम्बर १५, २०२४ का दिन हत्या भएपछि मूल प्रवाहले दाहसंस्कार गरेको हो ।
हैदराबादको कोकापेट भन्ने ठाउँमा रहेको होटेलमा केही दिनपहिले नोकरी लागेका परियारलाई सोही स्थानमा नै बिजुलीको तारले बाधी मरणासन्न बनाई कुटिएको थियो । सोही कुटपिटबाट उनको निधन भएको थियो ।
घटनाको जानकारी मूल प्रवाह निजामवादका अध्यक्ष पुरन टन्डन, क्षेत्रीय समितिका अध्यक्ष रामप्रसाद पौडेललगायत समक्ष पुगेपछि दोषीउपर कानुनी कारबाही अगाडि बढाइएको थियो ।
कानुनी प्रक्रिया पूरा गरी मृतक परियारको डिसेम्बर १७ का दिन दाहसंस्कार गरिएको छ । दाहसंस्कार स्थलमा क्षेत्रीय सहसचिब शङ्कर नेपाली, मूल प्रवाहका सदस्यहरू पुष्पा पौडेल, उत्तर नगर समितिका बिजुला शर्मा, कमला शर्मा, यशोदा शर्मालगायतका साथी र मृतकका आफन्त लक्ष्मण परियार, अभिषेक परियार, दुर्गाबहादुर परियार, प्रेम परियार, चन्द्रबहादुर विक, रमेश रेश्मी र राजकुमार थापाको उपस्थिति थियो ।
शोकसभामा मूल प्रवाहका पूर्व सदस्य खिमबहादुर विकले शोकमन्तव्य राख्नु भएको थियो भने सहजीकरण सूर्यबहादुर थापाले गर्नुभएको थियो ।
