काठमाडौं । सरकारले जारी लकडाउन १५ दिन थप गर्ने निर्णय गरेको छ । आइतबार साँझ बसेको मन्त्रिपरिषद्‍ बैठकले लकडाउन जेठ २० गतेसम्म निरन्तरता दिएको मन्त्रिपरिषद स्रोतले जनाएको छ ।

आइतबारै बसेको कोभिड–१९ नियन्त्रण तथा रोकथाम समितिले लकडाउन १५ दिन थप गर्न सरकारलाई सिफारिस गरेको थियो ।

आब लकडाउनको ५५ औं दिन पुगेको छ । चैत ११ गतेदेखि जारी लकडाउनलाई सरकारले पटक-पटक थप्दै आएको छ ।

तर, कोरोना संक्रमण झन् बढिरहेको छ । कोरोना संक्रमणका कारण नेपालमा दुई जनाले ज्यान गुमाएका छन् भने संक्रमितको संख्या २९५ पुगेको छ ।

छिमेकी भारतले पनि आइतबार नै लकडाउन २ साताका लागि थप गर्ने निर्णय गरेको छ ।