पान्डिचेरी (भारत) । भारतको पान्डिचेरी मुदालियरपेटमा मूल प्रवाह अखिल भारत नेपाली एकता समाजको उनन्तिसौँ एरिया सम्मेलन सम्पन्न भएको छ ।
केन्द्रीय सदस्य जनकराज पौडेलको प्रमुख आतिथ्यमा नोभेम्भर २४, २०२४ का दिन सो सम्मेलन सम्पन्न भएको हो ।
दीप बालेर सम्मेलनको उद्घाटन गर्दै पौडेलले भारतमा सङ्गठनको महत्त्व, आर्थिक र सामाजिक अवस्था र अहिले भारतमा नेपालीका समस्या र समाधानको विषयमा मन्तव्य राख्नुभएको थियो ।
सम्मेलनमा नगर समितिका सदस्य गमबहादुर विक, नगर समितिकी जमुना शर्मा, दक्षिण टाउन एरियाका दलबहादुर पुन र भद्रबहादुर जिसीले शुभकामना मन्तव्य राख्नुभएको थियो ।
सम्मेलनमा केन्द्रीय सदस्य चन्द्रकान्त शर्मा, क्षेत्रीय सदस्य गोविन्द शर्मा, नगर सदस्य जमुना शर्मा र गमबहादुर विकको आतिथ्य रहेको थियो ।
रवि पौडेलको सञ्चालन तथा सूर्य गायकको अध्यक्षतामा अघि बढेको सम्मेलनमा उपस्थित सहभागीलाई रक्तिम परिवारका कलाकार र शिव गायकले स्वागत गर्नुभएको थियो ।
अध्यक्षमा गायक
प्रमुख अतिथि पौडेलले घोषणा गर्नुभएअनुसार सम्मेलनले शिव गायक अध्यक्ष रहनुभएको ११ पूर्ण र दुई वैकल्पिक गरी १३ सदस्यीय एरिया समिति चयन गरेको छ ।
समितिको उपाध्यक्षमा सरस्वती गायक, सचिवमा रवि पौडेल, सहसचिवमा विनोद गायक र कोषाध्यक्षमा भद्रबहादुर जिसी रहनुभएको थियो ।
त्यस्तै, समितिको सदस्यमा सूर्य गायक, माया गायक, शीतल गायक, सम्झना गायक, रेखा गायक, तुलसी गायकका साथै वैकल्पिक सदस्यमा राजु गायक र लक्ष्मी गायक रहनुभएको छ ।
समितिको तर्फबाट नवनिर्वाचित एरिया अध्यक्ष गायकले प्रतिबद्धता व्यक्त गरेपछि केन्द्रीय सदस्य चन्द्रकान्त शर्मा र क्षेत्रीय सदस्य गोविन्द शर्माले बधाई मन्तव्य तथा रेखा गायकले धन्यवाद मन्तव्य राख्नुभएको थियो ।
