जनकराज पौडेल, पान्डिचेरी (भारत) ।
भारतको पान्डिचेरीमा मूल प्रवाह अखिल भारत नेपाली एकता समाजको उनन्तिसौँ एरिया सम्मेलन सम्पन्न भएको हो ।
नोभेम्बर १०, २०२४ का दिन पान्डिचेरीको मध्यदक्षिण टाउन एरिया समितिको उनन्तिसौँ वार्षिक एरिया सम्मेलन सम्पन्न भएको हो ।
सम्मेलनको उद्घाटन केन्द्रीय सदस्य भगवती कुँवरले मैनबत्ती बालेर गर्नुभएको थियो ।
सो अवसरमा उद्घाटन मन्तव्य राख्दै कुँवरले सङ्गठनको आवाश्यकताका साथै सङ्गठनलाई तहसनहस पार्ने अराजक गतिविधि विरुद्ध वैचारिक सङ्घर्ष गर्दै आएको स्मरण गराउनुभएको थियो ।
सम्मेलनमा केन्द्रीय सदस्यहरू जनकराज पौडेल, चन्द्रकान्त शर्मा, दक्षिण भारत क्षेत्रीय समितिका सदस्य विष्णु शर्मा, पान्डिचेरी नगर समितिका कार्यवाहक अध्यक्ष भद्रबहादुर जिसी र गमबहादुर विकको आतिथ्य रहेको थियो ।
जमुना शर्माको अध्यक्षता तथा विष्णुकुमारी शर्माको सञ्चालन रहेको सो कार्यक्रममा कलाकार र सविता विकले स्वागत गर्नुभएको थियो ।
अध्यक्षमा शर्मा
सम्मेलनले जमुना शर्मा अध्यक्ष रहनुभएको समितिका ११ पूर्ण र दुई वैकल्पिक सदस्य रहनुभएको मूल प्रवाहको दक्षिण टाउन एरिया समिति गठन गरेको छ ।
समितिको उपाध्यक्षमा सविता विक, सचिवमा सविना आचार्य, सहसचिवमा हीरादेवी शर्मा र कोषाध्यक्षमा विष्णुकुमारी शर्मा रहनुभएको छ ।
डिबी पुन, हरि आचार्य, चन्द्कान्त शर्मा, मुना दर्लामी, जनकराज पौडेल र मोहन हमाल सदस्य रहनुभएको सो समितिको वैकल्पिक सदस्य मुकुन्द शर्मा र हीरा केसी रहनुभएको छ ।
नवनिर्वाचित समितिलाई क्षेत्रीय समितिका सदस्य तथा नगर समितिका सचिव गोविन्द शर्मा र नगर सदस्य रवि शर्माले बधाई ज्ञापन गर्नुभएको थियो ।
