खिमराज चालिसे, चन्डिगढ (भारत) ।

रोपडमा मूल प्रवाह अखिल भारत नेपाली एकता समाजको छयालिसौँ स्थापना दिवस मनाइएको छ ।

केन्द्रीय सचिव एवम् क्षेत्रीय अध्यक्ष प्रेम सापकोटाको प्रमुख आतिथ्यमा नोभेम्बर ७, २०२४ का दिन सो दिवस मनाइएको हो ।

एकता समाजको गौरवमय इतिहासबारे मन्तव्य राख्दै सो कार्यक्रममा प्रमुख अतिथि सापकोटाका साथै महिला क्षेत्रीय संयोजक सीता सापकोटा, परिषद् सदस्य बिलबहादुर गुरुङ, महिला क्षेत्रीय सदस्य रूपा कार्की र दुर्गा लामिछाने, नगर संयोजक हरिकला कँडेल, नगर सदस्य राधिका सापकोटा, माया गुरुङ, चन्द्रकला सापकोटा, दयाराम लामिछाने, विद्यार्थी सङ्घकी प्रतिक्षा थापा, गीता सापकोटा, लक्ष्मी गुरुङलगायतले मन्तव्य राख्नुभएको थियो।

कार्यक्रममा भीम कार्कीको अध्यक्षता, मदन थापाको सञ्चालन र नारायण सापकोटाको स्वागत मन्तव्य रहेको थियो ।