महेन्द्रनगर । कञ्चनपुरको महाकाली नगरपालिका दोधाराका बासिन्दाले भारतमा अलपत्र नेपालीको उद्धार गर्न माग गर्दै प्रदर्शन गरेका छन् ।

भारतका बिभिन्न शहर र सीमावर्ती क्षेत्रमा रहेका नेपालीलाई घर आउन दिन माग गर्दै महिलाहरुले प्रदर्शन गरेका हुन् ।

बुधबार महाकाली नगरपालिका–९ आमबोझको कालिकाबजारमा जम्मा भएर स्थानीय महिलाहरुले भारतमा अलपत्र आफ्ना आफन्तलाई घर आउन दिन माग गर्दै टायर बालेर नाराबाजी गरे ।

भारतका विभिन्न शहरबाट घर फर्कने क्रममा सीमावर्ती खटिमा, रुद्रपुर र बनबासा क्षेत्रमा सयौं व्यक्ति बिगत डेढ महिनादेखि उद्दारको पखाईमा बसेका छन् ।

यस्तै, महाकाली दोधारा चाँदनी क्षेत्रकै १० हजार भन्दा बढी व्यक्ति भारतका बिभिन्न शहरमा अलपत्र रहेका स्थानीय बताउँछन् ।