खिमराज चालिसे, चन्डिगढ (भारत) ।
भारतको चन्डिगढमा मूल प्रवाह अखिल भारत नेपाली एकता समाजको आयोजनामा प्रगतिशील देउसीभैलोको तयारी भेला सम्पन्न भएको छ ।
केन्द्रीय सदस्य दिनेश खड्काको उद्घाटनसँगै अक्टोबर २७, २०२४ आइतबारका दिन सो कार्यक्रम सम्पन्न भएको हो ।
कार्यक्रममा केन्द्रीय सदस्य खिमराज चालिसेले २०८१ सालको भैलोको कार्यक्रम, रुट तथा व्यवस्थापनसम्बन्धी नगर समितिका चारओटा प्रस्ताव प्रस्तुत गर्नु भएको थियो । छलफलमा चन्डिगढमा दुईओटा टिम बनाएर प्रगतिशील देउसीभैलो खेल्ने निर्णय भएको जानकारी दिइएको छ ।
भेलाले नगर अध्यक्ष मानबहादुर केसीको संयोजकत्वमा सात सदस्यीय मूल व्यवस्थापन समिति गठन गरेको छ । समितिको सदस्यमा बिनु नेपाली, तेजबहादुर रोका, थानेश्वर पाण्डे, किसन खनाल, प्रेम गुरुङ र विष्णु बेलबासे रहनुभएको छ ।
भेलाले किसन खनालको नेतृत्वमा ए टिम र तेजबहादुर रोकाको नेतृत्वमा बी टिमले भैलो खेल्ने निर्णय गरेको छ ।
भेलालाई क्षेत्रीय सदस्य तेजबहादुर रोका, महिला क्षेत्रीय सदस्य सरस्वता भुसाल, विद्यार्थी सङ्घका नगर अध्यक्ष राम पन्थी, समता विभागका लीला विक, सांस्कृतिक विभागकी विष्णु अर्याल, नगरका बलुराम बन्जाडे र दुर्गा विकलगायतले शुभकामना दिनुभएको थियो ।
मानबहादुर केसीको अध्यक्षतामा तथा थानेश्वर पान्डेको सञ्चालनमा अघि बढेको उक्त भेलामा स्वागत मन्तव्य प्रेम गुरुङले राख्नुभएको थियो ।
