चेन्नई (भारत) । चेन्नईको किल्पाकमा मूल प्रवाह अखिल भारत नेपाली एकता समाजको बाइसौँ एरिया सम्मेलन सम्पन्न भएको छ ।
दक्षिण भारत क्षेत्रीय समितिका सचिवालय सदस्य बुद्धिराम पौडेलको प्रमुख आतिथ्यमा अक्टोबर १३, २०२४ का दिन सो सम्मेलन सम्पन्न भएको हो ।
सम्मेलनमा उद्घाटन मन्तव्य राख्दै प्रमुख अतिथि पौडेलले मूल प्रवाह आफ्नो स्थापनाकालदेखि नीतिसिद्धान्तमा आधारित सङ्गठन भएको दावी गर्नुभयो ।
सम्मेलनलाई केन्द्रीय कोषाध्यक्ष मदन शर्मा, केन्द्रीय सदस्य तथा क्षेत्रीय अध्यक्ष चन्द्रबहादुर थापा, केन्द्रीय सदस्यहरू चन्द्रकान्त शर्मा, केशमान नेपाली, जनकराज पौडेल, काशीराम शर्मा र खगेश्वर सुनार, क्षेत्रीय सदस्य गोविन्द शर्मा र चेन्नई पश्चिम नगर समितिका सदस्य प्रकाश नेपालीलगायतले सम्मेलन सफलताको शुभकामना मन्तव्य राख्नुभएको थियो ।
राजकुमार सुनारको अध्यक्षता तथा नेत्रलाल शर्माको सञ्चालनबाट अगाडि बढेको सो शत्रमा सहिदको सम्मानमा एक मिनेट मौनधारणका साथै उपस्थित जनमानसलाई सांस्कृतिक विभागका कलाकार र अनिता गिरीले स्वागत गर्नुभएको थियो ।
सम्मेलनको दोस्रो चरणको कार्यक्रममा चन्द्रकान्त शर्मा, खगेश्वर सुनार र किशोर शर्मा रहेको तीन सदस्यीय चुनाव आयोगको निर्देशनमा बन्दशत्र अगाडि बढेको थियो । चुनाव आयोगको तर्फबाट प्रस्तुत सङ्ख्या र नामावलीको प्यानल एकमतले पारित भएको थियो । समितिको प्रतिवेदन र आर्थिक प्रतिवेदन एरिया समितिका सचिव नेत्रलाल शर्माले प्रस्तुत गर्नुभएको थियो ।
अध्यक्षमा सुनार
सम्मेलनले राजकुमार सुनार अध्यक्ष रहनुभएको १३ पूर्ण तीन वैकल्पिक र तीन सल्लाहकार गरी १९ सदस्यीय नयाँ एरिया समिति चयन गरेको छ ।
समितिको उपाध्यक्ष रामु नेपाली सी, सचिवमा विज्ञान नेपाली, सहसचिवमा रवि नेपाली, कोषाध्यक्षमा नेत्रलाल शर्मा तथा सदस्यमा अशोक नेपाली, बुद्ध नेपाली, रामु नेपाली बी, गोविन्द नेपाली, अनिता गिरी, कविता योगी, जानकी बिसी र कमला नेपाली रहनुभएको छ ।
कृष्ण परियार, प्रेम नेपाली र लालबहादुर नेपाली वैकल्पिक सदस्य रहनुभएको सो समितिको सल्लाहकारमा कोपिला नेपाली, लक्ष्मी विष्ट र अनु नेपालीलाई चयन गरेको छ ।
नवनिर्वाचित समितिको तर्फबाट सुनारले शपथ ग्रहण गर्नुभएपछि समितिलाई चेन्नै पश्चिम नगर समितिका सचिव किशोर शर्मा, महिला विभाग संयोजक गोमाकुमारी शाही र सांस्कृतिक क्षेत्रीय विभाग सदस्य डिलबहादुर जिएमले बधाई तथा रामु नेपालीले धन्यवाद ज्ञापन गर्नुभएको थियो ।
सम्मेलनमा सांस्कृतिक विभागका कलाकारहरूले सांस्कृतिक कार्यक्रम प्रस्तुत गर्नुभएको थियो ।
