काठमाडौं । आज २५६४औं बुद्ध जयन्ती । नेपालले विश्वभरी प्रचार र गर्व गर्ने विषय मध्ये गौतम बुद्ध पनि एक हुन् ।
गौतम बुद्धको जन्म आफ्नो देशमा भएको भनेर भारतले विश्वभर भ्रम फैलाइरहेका छ । त्यो भ्रम चिर्न नेपाललाई धेरै नै मुस्किल पर्ने गरेको छ । कतिपय महाशक्ति राष्ट्रका चर्चित व्यक्तिहरुले गौतम बुद्धबारे गरेका टिप्पणी र फोटो प्रदर्शनीले गौतम बुद्धबारेको भ्रम साफ गर्न मद्दत मिल्ने गरेको छ ।
आज (बिहीबार) बुद्ध जयन्तीका अवसरमा अमेरिकी राजदूत रेन्डि बेरीले लुम्बिनीमा खिचेको आफ्नो फोटो सामाजिक सञ्जाल ट्विटरमार्फत सेयर गरेका छन्, जसको पृष्ठभूमिमा लुम्बिनीसहित नेपालको राष्ट्रिय झण्डा पनि छ ।
त्यससँगै राजदूत रेन्डिले लेखेका छन्, ‘बुद्धको जम्मथलो नेपालबाट बुद्ध जयन्तीको शुभकामना ! साथै उभौली पर्वको पनि शुभकामना !’
Happy Buddha Jayanti from #Nepal – the birthplace of Gautam Buddha! And Happy Ubhauli, as well, to all those celebrating! pic.twitter.com/EDYY8PlHmw
— Ambassador Randy Berry (@USAmbNepal) May 7, 2020
