अहमदाबाद (भारत) । भारतको अहमदावादमा मूल प्रवाह अखिल भारत नेपाली एकता समाजको नगर भेला सम्पन्न भएको छ ।
केन्द्रीय अध्यक्ष ठाकुर खनालको प्रमुख आतिथ्य अगस्त २५, २०२४ का दिन भेला सम्पन्न भएको हो ।
भेलाको उद्घाटन गर्दै प्रमुख अतिथिले खनालले नेपालको जहाँबाट आएको भए पनि सबैको समस्या उस्तै भएको बताउनुभयो ।
उहाँले भन्नुभयो– समस्याको समाधान गर्न वैचारिक रूपमा सचेत हुँदै क्रान्ति र परिवर्तनको पक्षमा अगाडि बढ्ने सङ्गठनको खाँचो पूरा गर्ने काम मूल प्रवाहले गरेको छ ।’
भेलामा केन्द्रीय सल्लाहकार मोहन बस्नेतको पनि आतिथ्य रहेको थियो ।
अध्यक्षमा सोनी
भेलाले दिलिप सोनी अध्यक्षता रहनुभएको १३ पूर्ण, चार वैकल्पिक र चार सल्लाहकारसहित २१ सदस्यीय नगर समिति पुनर्गठन गरेको छ ।
समितिको उपाध्यक्षमा राकेश सोनी, सचिवमा राजकुमार थापा, सहसचिवमा टीका सोनी र कोषाध्यक्षमा टेकबहादुर वर्मा रहनुभएको छ ।
सदस्यहरूमा श्याम राहुमगर, अर्जुन चोल्पाली, लीला सोनी, दुर्गा सोनी, धर्मेन्द्र लामा र कमल बुढा तथा वैकल्पिक सदस्यमा जेनिस थापा, राकेश विक र पवन बुढा रहनुभएको छ ।
सम्मेलनले नरेश भट्टराई, विजय विक, मोहन बस्नेत र गोविन्द थापालाई सल्लाहकारमा चयन गरेको छ ।
भेला नयाँ समितिको सङ्ख्या र प्यानल प्रस्ताव केन्द्रीय सदस्य गोविन्द थापाले प्रस्तुत गर्नुभएको थियो । भेलाबाट सर्वसम्मत पारित भएपछि समितिको तर्फबाट अध्यक्ष सोनीले प्रतिबद्धता मन्तव्य दिनुभएको थियो ।
नवगठित समितिलाई पूर्व केन्द्रीय सदस्य तथा राष्ट्रिय जनमोर्चा दैलेखका अध्यक्ष भीमसिंह विष्टले बधाई दिनुभएको थियो ।
टेकबहादुर बर्माको अध्यक्षता एवम् राजकुमार थापाको सञ्चालनमा अगाडि बढेको उक्त कार्यक्रममा श्याम राहुमगरले स्वागत गर्नुभएको थियो ।
