बरेङ । अखिल (छैठौं) बरेङ गाउँपालिकाको भेला सम्पन्न भएको छ ।
केन्द्रीय अध्यक्ष देवेन्द्र कुँवरको प्रमुख आतिथ्यमा २०८१ जेठ १५ गते सो भेला सम्पन्न भएको हो ।
भेलामा राष्ट्रिय जनमोर्चा बागलुङका सचिव तथा अखिल (छैठौं) का पूर्व महासचिव भीमलाल पोख्रेल, अखिल नेपाल शिक्षक सङ्घका केन्द्रीय उपाध्यक्ष कृष्ण आचार्य, जिल्ला कोषाध्यक्ष कमलप्रसाद शर्मा, अखिल नेपाल महिला सङ्घकी जिल्ला सल्लाहकार शर्मा, अखिल नेपाल बुद्धिजीवी सङ्घ बरेङका संयोजक प्रशान्त शर्मा, शिक्षक सङ्घ बरेङ पालिकाका निवर्तमान अध्यक्ष रूपनारायण शर्मा, बरेङ गाउँपालिकाका इन्जिनियर कृष्णबहादुर थापालगायतका अतिथिले शुभकामना व्यक्त गर्नुभएको थियो ।
भेला गङ्गा शर्माको स्वागत मन्तव्य, कमला पौडेलको सञ्चालन र सरस्वती शर्माको अध्यक्षतामा सम्पन्न भएको थियो ।
अध्यक्षमा पौडेल
भेलाले कमला पौडेल अध्यक्ष रहनुभएको अखिल (छैठौं) को २१ सदस्यीय पालिका स्तरीय समिति गठन गरेको छ ।
समितिको उपाध्यक्षमा सन्दीप शर्मा, सचिवमा झरना सुनार, सहसचिवमा सिर्जना क्षेत्री र कोषाध्यक्ष विपना आचार्य रहनुभएको छ ।
त्यस्तै, सदस्यहरूमा यमुना थापा, सुजन क्षेत्री, सनम पुन, दिपु बोहरा, सुरज सुनार रुमा घर्ती राना, लोकबहादुर गिरी, धना थापा, हेमराज ढकाल, मनिषा शर्मा, सपना घम, वर्षा लोहार र मनिष घर्तीमगर रहनुभएको छ ।
भेलाले गङ्गा शर्मा र सरस्वती शर्मालाई सल्लाहकारमा चयन गरेको छ ।
