काठमाडौं । बाराको कलैया नगरपालिकाका मेयर राजेशराय यादव कुहिएको राहत बाँडेको आरोपमा पक्राउ परेका छन् । लकडाउनका कारण मारमा परेका समूदायलाई कुहिएको राहत बाँडेको आरोपमा मेयरसहित ७ जनालाई प्रहरीले पक्राउ गरेको हो ।

मेयरसँगै पक्राउ पर्नेमा वडा नम्बर ११ का वडाध्यक्ष सर्वनारायण चौधरी, १३ नम्बरका वडाध्यक्ष राजनप्रसाद कुर्मी र २६ नम्बरका वडाध्यक्ष महेश साह रहेका छन् । त्यस्तै, धनलक्ष्मी दाल मिलका सञ्चालक तेजकरण जैन, कोल्ड स्टोर रेखदेख गर्ने मुन्सीकुष्ण यादव पनि पक्राउ परेका छन् ।

गत २८ गते नगरले वितरण गरेको राहतमा कुहिएको दाल, चामल भेटिएपछि यसअघि नै तीन वडाध्यक्ष र मिलका सञ्चालकलाई पक्राउ गरिएको थियो ।
उनीहरुमाथि सोधपुछ भइरहेको प्रहरीले जनाएको छ ।