बागलुङबजार । बागलुङको गलकोट नगरपालिका वडा नं. १ दुदिलाभाटीमा दुदिलाभाटीमा राष्ट्रिय जनमोर्चाको प्रशिक्षण भेला सम्पन्न भएको छ ।
राजमो केन्द्रीय सल्लाहकार तथा जिल्ला समन्वय समिति बागलुङका प्रमुख अमर थापाको प्रमुख आतिथ्यमा २०८१ जेठ १२ गते शनिबार भाटीबजारमा उक्त कार्यक्रम सम्पन्न भएको हो ।
प्रमुख अतिथि थापाले प्रशिक्षण भेलाको उद्घाटन द्वीप प्रज्ज्वलन गरी गर्नुभएको थियो ।
सो अवसरमा सम्बोधन गर्दै उहाँले सत्ता सञ्चालक नै ठगी, भ्रष्टाचार र जघन्य अपराधको दलदलबाट मुक्त हुन नसकेको धारणा व्यक्त गर्नुभयो ।
राजनैतिक अस्थिरता र सङ्घीयताका कारण मुलुक कमजोर र आर्थिक सङ्कटमा फस्दै गएकाले देशलाई असफल हुनबाट जोगाउन राष्ट्रिय जनमोर्चाले सञ्चालन गरेको राष्ट्रियता र जनजीविकाको आन्दोलनलाई सफल पार्न उहाँले सबैलाई आह्वान गर्नुभयो ।
कार्यक्रमलाई राजमो केन्द्रीय सदस्य बेदिलाल सापकोटा, राजमो बागलुङका अध्यक्ष तिलक थापा, जिल्ला सल्लाहकार टङ्क केसी, जिल्ला सदस्य पदम श्रेष्ठ, नारायण सापकोटा, जिल्ला सदस्य तथा गलकोट नगरपालिका वडा नं. १ का अध्यक्ष लालबहादुर राना, अखिल नेपाल शिक्षक सङ्घ बागलुङका सदस्य भीम पुन, वडासदस्य तुलबहादुर खत्री, बमबहादुर कार्कीले शुभकामना दिनुभएको थियो ।
अध्यक्षमा विक
भेलाले रनबहादुर विकको अध्यक्षतामा सल्लाहकारसहित २७ सदस्यीय राजमोको वडा समिति गठन गरेको छ ।
समितिको उपाध्यक्षमा दुर्गा पुन, सचिवमा इन्द्रसिंह बुढाथोकी, सहसचिवमा नन्दु नेपाली र कोषाध्यक्षमा हरिमाया सुवेदी रहनुभएको छ ।
त्यस्तै, सदस्यहरूमा तुलबहादुर खत्री, टीका भण्डारी, देउमाया सुनार, मीनबहादुर मगर, ताराबहादुर खत्री, मनबहादुर खत्री, मीनबहादुर खत्री, रत्ना सुनार, रनबहादुर विक, छमबहादुर पुन, दुर्गा खत्री, भीमबहादुर पुन, मीनबहादुर कुँवर, कुमारी कुँवर, अमरबहादुर कुँवर, भुमलाल सुवेदी, तुलसी कार्की, सकुन पन्त कार्की, तारा भण्डारी, बबिता नेपाली र चन्द्रबहादुर खत्री रहनुभएको छ ।
एवम् प्रकारले सल्लाहकारमा क्या. लिलबहादुर खत्री, दिलबहादुर काउचा, हीराबहादुर खत्री, नेत्र बुढाथोकी, गुमानसिंह पुन, पूर्णबहादुर खत्री र झमबहादुर कार्की रहनुभएको छ ।
राजमो वडा समितिका उपाध्यक्ष दुर्गा पुनको अध्यक्षता तथा सदस्य हरिमाया सुवेदीको स्वागत मन्तव्यका साथ अघि बढेको सो कार्यक्रमको सञ्चालन मीनबहादुर कुँवरले गर्नुभएको थियो ।
