कपिलवस्तु । विजयनगर गाउँपालिकाको वडा नम्बर ७ मा राष्ट्रिय जनमोर्चाको वडा भेला सम्पन्न भएको छ ।
बुधबार झोलानिय चौराहामा सम्पन्न भेलालाई सम्बोधन गर्दै राष्ट्रिय जनमोर्चाका जिल्ला सचिव केरसिंह अदैले राष्ट्रिय जनमोर्चाको नीति, सिद्धान्त व्यवहारमा ढिलो भएपनि लागू हुने बताउँदै, संविधान सभाको चुनावको लागि संघर्ष, शाही घोषणा बिरुद्ध संघर्ष, जातीय राज्य, संघीयता र एमसीसी विरुद्ध संघर्षमा राष्ट्रिय जनमोर्चा अग्रपङ्तीमा उभिएको बताउनु भयो ।
उहाँले राजमोलाई अधिकार विरोधी, संघीयता विरोधी भनेर प्रचार गर्नेहरुको आज बोली बन्द भएको बताउनुभयो ।
भेलामा तराई मधेस जनवादी मोर्चा विजयनगरका अध्यक्ष खदेरु पासी, राजमो जिल्ला सदस्य त्रिवेणी कुर्मी, जातीय समता समाजकी जिल्ला सदस्य मनिषा कोरी, राजमो विजयनगर गाउँपालिका अध्यक्ष गोविन्द परिवारले मन्तव्य राख्नु भएको थियो ।
भेलाले राम समरे धोबीको अध्यक्षतामा १९ सदस्सीय राष्ट्रिय जनमोर्चा वडा समिति गठन गरेको छ । उपाध्यक्षमा मनिषा कोरी, सचिव बालजी कोरी, कोषाअध्यक्षमा समुन्द्र पासी रहनुभएको छ ।
सदस्यहरुमा रामसिम्रन यादव, नन्दकुमार धोबी, हनुमान कोरी, श्रीराम धोबी, सेतु कोरी, प्रभुदयाल ठाकुर, रक्षाराम पासी, मुर्ता कोरी, धनराज कुर्मी, रामकुमार कोरी, राजेन्द्र धोबी र सल्लाहकारमा शिवजी पठान, रामसिम्रन कोरी, वीरेन्द्र कुमार चौधरी र बजरंगी कहार रहनु भएको छ ।
भेलाको अध्यक्षता राम सामारे धोबी, सञ्चालन नागराज योगी र स्वागत रामसिम्रन यादवले गर्नु भएको थियो ।
भेला पछिको बैठकले सदस्यता वितरण, नवीकरण गर्ने, गाउँ समिति गठन गर्ने, मंसिरको पहिलो हप्तामा प्रशिक्षण गर्ने निर्णय गरेको छ ।
