काठमाडौँ । रक्तिम सांस्कृतिक अभियान दक्षिण कोरियाले “हिउँचुलीको हिऊँ” शीर्षकमा तेस्रो अडियो एलबम सार्वजनिक गरेको छ ।
रक्तिम दक्षिण कोरियाका अध्यक्ष जीवलाल शर्माको युट्युब च्यानलबाट सेप्टेम्बर ८, २०२३ शुक्रबारका दिन सो एल्बम सार्वजनिक गरिएको हो ।
एलबममा थुमराज ढुङ्गाना र रिता पुनको स्वर रहेको छ ।
लेखत कुँवरको शब्द रहेको सो एल्बममा सङ्गीत नारायण दङ्गालको रहेको छ ।
दक्षिण कोरिया नेपाली एकता समाजका अध्यक्ष विष्णु पुनका अनुसार यस एल्बमको भिडियो पनि पछि नै तयार गरिने छ ।
यस्तो छ गीतको शब्द :
हिउँचुलीको हिउँ आयो बगेर
वर्गीय शोषण हुँदैन सहेर
आऊ सबै योद्धा हो क्रान्तिमा डटेर
दुस्मनको शासन फालौँ है लडेर
सदियौँदेखि शोषकले लुटेको हामीलाई
मान्छे भई बाँच्न दिएन शोषित ज्यामीलाई
भ्रमित पारी आँखामा पर्दा लगाई
सधैँभरि लुटिरा’छन् निमुखा निर्धालाई
उठौँ जागौँ जनता हो आन्दोलन चर्काउन
शोषण गर्न पल्केका सामन्ती थर्काउन
क्रान्तिको बिगुल फुकेर बस्ती जगाउन
साम्यवादको उद्घोष गर्दै मसाल जलाउन
यसअघि, रक्तिम दक्षिण कोरियाले पहिलो अडियो एलबम “नजाऊ कोही” र दोस्रो अडियो एलबम “आमा तिमीले” सार्वजनिक गरिसकेको छ ।
रक्तिम सांस्कृतिक अभियान कोरियाले ल्यायो “नजाऊ कोही”
रक्तिम दक्षिण कोरियाले ल्यायो दोस्रो अडियो एल्बम “आमा तिमीले”
