नवलपुर । राष्ट्रिय जनमोर्चाले सञ्चालन गरेको संगठनात्मक अभियान अन्तर्गत नवलपुर जिल्लाका विभिन्न स्थानमा हजारौंले राजमोको सदस्यता लिएका छन् । राजमोका नेता कार्यकताहरुले विभिन्न टोली बनाएर जिल्लाव्याी रुपमा सदस्यता वितरण, प्रशिक्षण, जनभेटघाट लगायतका कार्यक्रमहरु सञ्चालन गरिररहेको राजमो नवलपुरले जनाएको छ ।
अभियान डण्डा क्षेत्रको खरवारी, पिप्रेनी, तिनघरे र सातघरेमा राजमो नेताहरु भागिरथ भट्टराई, गिरबहादुर महत्रा क्षेत्री, कला राई, कृष्ण गिरीलगायतको टोलीले सदस्यता वितरण गरिरहेको छ । त्यस्तै, हुप्सेकोट गाउँपालिकाको बेलुवा, पानिघट्टा, ठकुरी टोल, सुन्दरबस्ती र जुकेपानीमा चन्द्र सापकोटा, भागिरथ भट्टराई, मानबहादुर लामा, भक्त बहादुर उचैलगायतको नेतृत्वमा व्यापक संगठनात्मक अभियान सञ्चालन भएको छ ।
यसैगरी, मुकुन्दपुरमा शालिकराम सापकोटा, रुपनारायण महतो लगायतको टोलीले अभियान सञ्चालन गरेको छ ।
यता, मध्यविन्दु नगरपलिकाको बाघखोर, सेतापानी, मदनपुर लगायतका ठाउँमा पुर्ण गिरी, विकाराम चौधरी, रामप्रसाद पोख्रेल, नारायण सोनी, तुलविर बराल, पुर्णबहादुर मल्ल लगायत नेताहरुको अगुवाईमा अभियान सञ्चालन भइरहेको छ ।
त्यस्तै, कावासोती नगरपालिकाको रिठेपानीमा वडा समिति गठन भएको छ । चन्द्र सापकोटा र यामनाथ कँडेलको विशेष उपस्थितीमा समिति गठन भएको हो । समितिको अध्यक्षमा कुलबहादुर विक, उपाध्यक्ष दिलबहादुर परियार, सचिव खसिर परियार चयन हुनुभएको छ । सदस्यहरुमा शुनिल बुढाथोकी, रेमा परियार, घनकली बुढाथोकी, मनिषा परियार र आशिष थापा रहनुभएको छ ।
यस्तै, गैंडाकोट नगरपालिकाको वडा नं ६ र ७ का विभिन्न टोलहरु ओमशान्ति चोक, हरिहर चोक, एम्पुपार्क, शक्तिटोल, खेलचौर लगायतका बस्तीहरुमा पनि चन्द्र सापकोटा, दयाराम पौडेल, सुमित्रा पाण्डे, चिन्तामणी सापकोटालगायतको टिमले सदस्यता वितरण गरिरहेको छ भने कावासोती नयाँगाउँ, कोइला पानी रिठेपानी लगायतका स्थानमा चन्द्र सापकोटा, गंगा पौडेल, यामनाथ कँडेल, भागीरथ भट्टराईलगायत नेताहरु सदस्यता वितरण तथा घरदैलो अभियानमा संलग्न हुनुहुन्छ ।
