पाल्पा । राष्ट्रिय जनमोर्चाले सञ्चालन गरेको संगठनात्मक अभियान पाल्पामा पनि उत्साहका साथ जारी छ । पाल्पाको विभिन्न स्थानीय तहमा सदस्यता वितरण, घरदैलो प्रशिक्षण तथा संगठन निर्माण चलिरहेको राजमो पाल्पाले जनाएको छ ।
अभियानकै क्रममा सदरमुकाम तानसेन नगरपालिकाका विभिन्न वडाहरुमा सदस्यता वितरण तिब्रताका साथ चलेको छ । पाल्मा युवादेखि वृद्धसम्म राजमोप्रति आकर्षित भएको र राजमोको सदस्यता लिएको अखिल नेपाल महिला संघकी केन्द्रीय सदस्य नरमती सिञ्जालीले बताउनुभएको छ ।
त्यसक्रममा तानसेन नगरपालिका वडा नं ६ मा ७६ वर्षीया तिला सिञ्जाली र ७३ वर्षीया तिलिसरा सिञ्जालीसहित दर्जनौंले राजमोको सदस्यता लिनुभएको छ । सो वडामा महिला नेत्री नरमती सिञ्जालीको नेतृत्वमा यामकुमारी सिञ्जाली र फूलमाया चुनारीलगायतको टिम परिचालित छ ।
पाल्पाको विभिन्न स्थानमा जिल्ला अध्यक्ष विशाल दर्लामीको नेतृत्वमा जिल्लास्तरमा र अन्य स्थानीय तहमा पनि जिल्ला नेताहरुको अगुवाईमा अभियान चलिरहेको छ ।
त्यसक्रममा रामपुर नगरपालिकामा राजमो नगर अध्यक्ष पदम पौडेल र सचिव राम गैरेको नेतृत्वमा अभियान चलेको छ भने तानसेन नगरपालिकामा नगर अध्यक्ष टिकाराम पौडेलको नेतृत्वमा अभियान सञ्चालित छ । यसैगरी, तिनाउ गाउँपालिकामा अध्यक्ष कमल बलको नेतृत्वमा अभियान जारी छ ।
यो पनि पढ्नुहोस्ः पाल्पामा यसरी चल्दैछ संगठनात्मक अभियान
