पाल्पा । राष्ट्रिय जनमोर्चाले देशव्यापी सञ्चालन गरेको विशेष संगठनात्मक अभियान पाल्पामा पनि उत्साहका साथ चलिरहेको छ । पाल्पाका विभिन्न स्थानीय तहमा सदस्यता वितरण, पर्चा वितरण, घरदैलो, प्रशिक्षण तथा संगठन निर्माण भइरहेको राजमो पाल्पाले जनाएको छ ।
जिल्ला अध्यक्ष विशाल दर्लामीको नेतृत्वमा जिल्लास्तरमा र अन्य स्थानीय तहमा पनि जिल्ला नेताहरुको अगुवाईमा अभियान चलिरहेको छ ।
त्यसक्रममा रामपुर नगरपालिकामा राजमो नगर अध्यक्ष पदम पौडेल र सचिव राम गैरेको नेतृत्वमा अभियान चलेको छ भने तानसेन नगरपालिकामा नगर अध्यक्ष टिकाराम पौडेलको नेतृत्वमा अभियान सञ्चालित छ । यसैगरी, तिनाउ गाउँपालिकामा अध्यक्ष कमल बलको नेतृत्वमा अभियान जारी छ ।
अन्य स्थानीय तहमा पनि जनभेटघाट तथा सदस्यता वितरण भइरहेको राजमो पाल्पाका अध्यक्ष बिशाल दर्लामीले जानकारी दिनुभएको छ । अभियानका क्रममा पाल्पामा सयौं जनाले राजमोको सदस्यता लिएका छन् ।
