काठमाडौं । राष्ट्रिय जनमोर्चाको संगठन विस्तार गर्न तथा सुदृढ पार्न सञ्चालन भईरहेको देशव्यापी संगठनात्मक अभियान अन्तरगत अभियान टोली रुकुम पश्चिममा पुगेको छ ।

संगठनात्मक अभियानको क्रममा राष्ट्रिय जनमोर्चा कर्णाली प्रदेशका सदस्य ढकनप्रसाद शर्मा तथा राष्ट्रिय जनमोर्चा रुकुमका अध्यक्ष गिरीप्रसाद बुढाको विशेष उपस्थितिमा बाँफिकोट गाउँपालिकामा राजमोको ७ सदस्यीय गाउँ समिति गठन भएको छ ।

समितिको अध्यक्ष, सचिव, कोषाध्यक्ष तथा सदस्यहरुमा क्रमशःधर्मभक्त मल्ल, रोलबहादुर केसी, प्रेम केसी, विनोद गिरी, कमला खड्का, भुपाल खड्का, तुलबहादुर केसी रहनुभएको छ ।

अभियानको क्रममा सदस्यता वितरण, प्रशिक्षण, जन भेटघाट, संगठन निर्माण लगायतका कार्यक्रम सञ्चालन भइरहेको राजमोले जनाएको छ ।