पोखरा । अखिल (छैठौं) म्याग्दीले जिल्ला भेला आयोजक समिति  गठन गरेको छ । सोमबार भएको भेलाले बिबा बिकको अध्यक्षतामा ७ सदस्यीय आयोजक समिति गठन गरेको हो ।

समितिको उपाध्यक्षमा अजय बिक, सचिव अमृता श्रीपाली र कोषाध्यक्षमा सममाया दगाइ पुन चयन हुनुभएको छ । सदस्यहरुमा शुस्मा शाही, सन्जय सुनार, अपसरा श्रीपाली र दीपा बराइली रहनुभएको छ । भेलालाई अखिल (छैठौं) का केन्द्रीय उपाध्यक्ष गणेश अधिकारी र राष्ट्रिय जनमोर्चाका जिल्ला अध्यक्ष छबि बिकले शुभकामना तथा प्रशिक्षण दिनु भएको थियो ।

अखिल (छैठौं) म्याग्दीले यही चैत्र १ देखी ५ गते सम्म सञ्चालन हुने संघीयता विरुद्धको काठमाडौं मार्चमा जिल्लाबाट सक्रिय सहभागी हुने निर्णय समेत गरेको छ ।