दैलेख । भैरवी गाउँपालिका ७ कुसापानीमा दैलेख नारायण क्याम्पसका नेबिसंघका कोषाध्यक्ष रिता शाहीको नेतृत्वमा दर्जनौं विद्यार्थी अखिल (छैठौं) मा प्रवेश गरेका छन् । नवप्रवेशीहरुलाई राष्ट्रिय जनमोर्चाको कर्णाली प्रदेश अध्यक्ष भरत शाहीले राजमोको सदस्यता दिएर स्वागत गर्नुभएको छ ।
कार्यक्रममा बोल्दै विद्यार्थी नेत्री रिता शाहीले कांग्रेसको राजनीतिले मुलुक उँभो नलाग्ने भएकोले राजमोमा प्रवेश गरेको बताउनु भयो ।
राजमोले सञ्चालन गरेको संगठनात्मक अभियानका क्रममा कुसापानीलगायत विभिन्न स्थानमा राजमो प्रवेशको लहरै चलेको छ ।
ठाँटीकाधमा गाउँ भेला, एमसीसीविरुद्ध प्रदर्शन
दैलेख । राष्ट्रिय जनमोर्चाले सञ्चालन गरेको संगठनात्मक अभियान अन्तरगत ठाटिकाध गाँउपालिमा भेला सम्पन्न भएको छ । राष्ट्रिय जनमोर्चा कर्णाली प्रदेशका अध्यक्ष भरत बहादुर शाहीको प्रमुख अतिथ्यतामा सम्पन्न भेलाले गाँउ समिति गठन गरेको छ । समितिको अध्यक्षमा तिलक बहादुर शाही, उपाध्यक्ष कटक बहादुर शाही, सचिव विरेन्द्र बहादुर शाही र कोषाध्यक्षमा गौरा शाही चयन हुनुभएको छ ।
सदस्यहरुमा प्रेम बहादुर शाही, भुपेन्द्र सुडि र भक्त अर्खाली मगर रहनुभएको छ । राजमो जिल्ला अध्यक्ष अमर बहादुर नेपाली, अखिल नेपाल जनजाति सम्मेलनका वैकल्पिक केन्द्रीय सदस्य कमल वरै, राजमो गाँउ समितिका अध्यक्ष नर बहादुर सिंहले भेला सफलताको शुभकामना दिनुभएको थियो ।
त्यस्तै, भेला लगतै एमसीसी र सीमा अतिक्रमण विरुद्ध कोणसभासमेत सम्पन्न भएको थियो । कोणसभालाई नेता भरत शाही, अमर बहादुर नेपाली कमल बरै नरबहादुर शाही र तिलक बहादुर शाहीले सम्बोधन गर्नुभएको थियो । कोणसभाको सञ्चालन विरेन्द्र बहादुर शाहीले गर्नुभएको थियो । राजमो दैलेख जिल्ला समितिले जिल्लाका विभिन्न स्थानहरुमा संगठनात्मक अभियानलाई तिब्ररुपमा अगाडी बढाएको छ ।
यो पनि पढ्नु होस्ः
दैलेखी जनतामा राजमो प्रवेशको लहर
