दाङ । सीमा अतिक्रमण र एमसीसी विरुद्ध नेकपा (मसाल) सहित नौ राजनीतिक दल र संगठनले शनिबार घोराहीमा प्रदर्शन गरेका छन् । नौ दलका नेता तथा कार्यकर्ता एवं सर्वसाधारण उपस्थितमा चर्का नारा लगाउँदै जुलुशले नगर परिक्रमा गरी विरोध सभामा परिणत भएको थियो ।

सभालाई नेकपा (मसाल) का जिल्ला प्रवक्ता भरत भण्डारी, राष्ट्रिय जनमोर्चाका जिल्ला अध्यक्ष गणेश आचार्य, नेकपा (क्रान्तिकारी माओवादी) का केन्द्रीय सदस्य समीर केसी, नेकपा (माले) स्थायी कमिटी सदस्य गोबिन्द केके, देजमोका जिल्ला अध्यक्ष नरेन्द्र बन्जाडे लगायत नेताहरुले सम्बोधन गर्नुभएको थियो ।

कार्यक्रमको सञ्चालन अखिल नेपाल जनजाती सम्मेलनका केन्द्रीय सदस्य राम बहादुर घर्तीले गर्नु भएको राजमो जिल्ला अध्यक्ष गणेश आचार्यले जानकारी दिनुभएको छ ।