चितवन । आगामी वैशाख १० गते हुने उपनिर्वाचनका लागि चितवन–२ मा राष्ट्रिय जनमोर्चाले चुनाव प्रचार अभियानलाई तीब्रता दिएको छ ।
यसैक्रममा राजमो चितवनले मंगलबार कालिका नगरपालिकाको खोलेसिमल बजार र क्लवचोकमा चुनावी कोणसभा सम्पन्न गरेको छ ।
कोणसभालाई सम्बोधन गर्दै राजमोका महासचिव मनोज भट्ट र उम्मेदवार जनकराज शर्माले सम्बोधन गर्नुभयो ।
उहाँहरुले नीति, सिद्वान्त, दर्शन बोकेको पार्टी राजमो मात्रै भएको भन्दै राष्ट्रियता र जनतन्त्रका लागि राजमोलाई भोट दिन आग्रह गर्नुभयो ।
त्यस्तै, क्लवचोकमा राजमो केन्द्रीय सदस्य एवम् जिल्ला अध्यक्ष डम्मर पुरी र उम्मेदवारशर्माले सम्बोधन गर्नुभएको थियो । कार्यक्रमको सञ्चालन नारायण चालिसेले गर्नु भएको थियो ।
राजमाले विभिन्न क्षेत्रमा घरदैलो, जनभेटघाट, पर्चा वितरण, कोणसभा लगायत कार्य गरिरहेको छ । सो क्षेत्रबाट राजमो उपाध्यक्ष जनकराज शर्मा उम्मेदवार हुनुहुन्छ ।
चुनाव प्रचारका लागि राजमोका केन्द्रीय तहका नेताहरुसँगै स्थानीय नेता कार्यकता तथा जनवर्गीय संगठनका कार्यकर्ता जनताकोमा पुगेको राजमो चितवनले जनाएको छ।
