धनगढी । अखिल नेपाल राष्ट्रिय स्वतन्त्र विद्यार्थी युनियन (छैठौं) कैलालीको चौधौँ जिल्ला सम्मेलन यही माघ २५ र २६ गते हुने भएको छ । शनिबार सम्पन्न जिल्ला समितिको बैठकले सम्मेलनको मिति तय गरेको छ ।

‘शैक्षिक निजीकरणका विरुद्ध, जनवादी शिक्षाका पक्षमा हाम्रो आन्दोलन ! संघीयताको खारेजी र राष्ट्रियता रक्षाका लागि चौधौं जिल्ला सम्मेलन !!’ भन्ने नाराका साथ गोदावरीमा सम्मेलन गर्न लागिएको जिल्ला सचिव एकेन्द्र कँडेलले जानकारी दिनुभयो ।

यस्तै, आगामी चैत १ देखि ५ गतेसम्म संगठनले सञ्चालन गर्न लागेको ‘संघीयता विरुद्ध काठमाडौं मार्च’ मा सक्रियतापूर्वक सहभागी हुने पनि अखिल (छैठौं) कैलालीले जनाएको छ ।