काठमाडौं । पछिल्लो समय कोरोना संक्रमण विस्तारै ओरालो लाग्न थालेको छ । स्वास्थ्य तथा जनसंख्या मन्त्रालयबाट प्राप्त तथ्यांकअनुसार कोरोना भाइरसको संक्रमण दर लगातार घटिरहेको छ ।

मन्त्रालयका अनुसार आज एक सय १९ जनामा संक्रमण पुष्टि भएको छ । चार हजार ८४ नमूनाको परीक्षण गर्दा सो संख्यामा संक्रमण पुष्टि भएको मन्त्रालयले जनाएको छ । आज एक सय ३० संक्रमणमुक्त भएका छन् ।

देशभर सक्रिय संक्रमितको संख्या दुई हजार एक सय ९१ छ । काठमाडौँमा पाँच सय बढी, ललितपुर र चितवनमा दुई सय बढी सक्रिय संक्रमित छन् भने ताप्लेजुङ, मनाङ, मुस्ताङ, अर्घाखाँची, हुम्ला, डोल्पा, मुगु, जुम्ला, बझाङ र दार्चुलामा सक्रिय संक्रमित छैनन् ।

सक्रिय संक्रमितमध्ये होम आइसोलेसनमा दुई हजार एक सय होम आइसोलेसनमा, ७२ संस्थागत आइसोलेसनमा, १९ आइसियुमा र एक जना भेन्टिलेटरमा उपचाररत छन् । कोरोना भाइरस संक्रमणबाट हालसम्म १२ हजार १५ ले ज्यान गुमाएका छन् । रासस