बागलुङ । काठेखोला गाउँपालिका वडा न. ४, तंग्राममा राष्ट्रिय जनमोर्चाको वडा प्रशिक्षण भेला सम्पन्न भएको छ ।
शनिबार (भदौ ११ गते) आयोजित प्रशिक्षण भेलाको उद्घाटन राष्ट्रिय जनमोर्चा बागलुङका अध्यक्ष तथा जिल्ला समन्वय समिति बागलुङका प्रमुख अमर थापाले गर्नुभयो ।
मन्तव्यका क्रममा प्रमुख अतिथी थापाले पटक पटकको आन्दोलनले व्यवस्थाको केही रुप परिवर्तन भए पनि जनताको अवस्था परिवर्तन नभएको बताउनु भयो । जबसम्म जनताहरु सचेत भई आन्दोलनको नेतृत्व गर्दैनन् तबसम्म अवस्था बदल्न नसकिने बताउँदै उहाँले राष्ट्रियता र जनजिवीकाको आन्दोलनलाई थप सशक्त बनाउनु पर्नेमा जोड दिनु भयो ।
कार्यक्रममा राष्ट्रिय जनमोर्चा गण्डकी प्रदेश सदस्य तथा काठेखोला गाउँपालिकाका उपाध्यक्ष तिलक थापा, अखिल नेपाल युवक संघका केन्द्रीय उपाध्यक्ष तथा काठेखोला गाउँपालिका वडा नं ४ का वडाअध्यक्ष लक्षमण पुन, अखिल नेपाल शिक्षक संघका कमला थापाले शुभकामना दिनु भएको थियो ।
कार्यक्रममा अखिल नेपाल जनजाती सम्मेलन बागलुङका उपाध्यक्ष ओम पुन, जातीय समता समाज बागलुङका सचिव तथा काठेखोला गाउँ कार्यपालिका सदस्य टिका संगम विक, अखिल नेपाल किसान संघ बागलुङका सदस्य दिल बहादुर पुन, अखिल नेपाल जनजाती सम्मेलन बागलुङका सदस्य थमन पुन, राष्ट्रिय जनमोर्चा तंग्रामका सचिव सस बहादुर विक, राजमो तंग्राम ४ नं टोल समितिका अध्यक्ष नर बहादुर थापा, ६ नं टोल समितिका अध्यक्ष कुल प्रसाद छन्त्याल, ७ का अध्यक्ष टेक बहादुर पुन लगायतको आतिथ्यता रहेको थियो।
राजमो वडा समितिका अध्यक्ष विष्णु कडेलको अध्यक्षतामा भएको कार्यक्रममा उपाध्यक्ष थिर बहादुर रानाले स्वागत र सञ्चालन किष्ण विकले गर्नु भएको थियो ।
