काठमाडौँ । नेपाली काङ्ग्रेसका नेता कृष्णप्रसाद सिटौलालाई कोरोना सङ्क्रमण पुष्टि भएको छ ।

स्वास्थ्यमा समस्या आएपछि २०७९ भदौ ८ गते बुधबार राति हेम्स अस्पताल धुम्बाराहीमा स्वास्थ्य परीक्षण गर्दा उहाँलाई सङ्क्रमण पुष्टि भएको हो ।

नेता सिटौलाका स्वकीय सचिव प्रेम भट्टराईका अनुसार उहाँको स्वास्थ्य अवस्था अहिले सामान्य रहेको छ । उहाँ चिकित्सकको परामर्शअनुसार होम आइसोलेसनमा बस्नुभएको छ ।

काङ्ग्रेसका पूर्वमहामन्त्री सिटौला आगामी मङ्सिर ४ गते हुन लागेको प्रतिनिधि सभा तथा प्रदेशसभा निर्वाचनमा पाँचदलीय गठबन्धनको सिट बाँडफाँटसम्बन्धी ११ सदस्यीय कार्यदलको संयोजकसमेत हुनुहुन्छ ।