काठमाडौं । पाँचदलीय गठबन्धनले भोलि (सोमबार) सम्म भागबन्डा मिलाउने भएका छन् । आइतबार साँझ बसेको पाँच दलको बैठकले अधिकतम लचकता अपनाउने निर्णय गरेको छ ।

बैठकले गठबन्धन बाहिर तालमेल नगर्ने र अधिकतम लचकता अपनाउनेलगायत चार बुँदे निर्णय गरेको छ।

जसमा पाँच दल बाहिर तालमेल नगर्ने, भोलि मनोनयन अघिसम्म बाँडफाँट मिलाउन अधिकतम कोशिस गर्ने, भोलि बिहान ८बजे अध्यक्षहरू बसेर बाँकी मिलाउने र विगतका समझदारीलाई सबै पक्षले इमानदारीका साथ पालना गर्ने निर्णय भएको छ ।

निर्वाचन आयोगले आज र भोलिका लागि स्थानीय तह निर्वाचनको मनोनयनका लागि मिति तोकेको छ। गठबन्धनभित्र भागवन्डाको विषय पेचिलो बन्दै गएको छ।