तिलक थापा
बाग्लुङ । राष्ट्रिय जनमोर्चाका पूर्व केन्द्रीय सचिव कृष्ण अधिकारीले निसी भुजी र तमानको सम्रग विकासका लागि अहिलेको अवस्थामा खिमविक्रम शाहीको विकल्प नरहेको बताउनुभएको छ । आइतबार राजकुटमा आयोजित चुनावी सभामा बोल्दै नेता अधिकारीले जनताको जीवनस्तर परिवर्तन गर्न र प्रतिक्रियाबादी शक्तिहरू लाई परास्त गर्न वाम गठबन्धनलाई जिताउन आग्रह गर्नुभयो । उहाँले अहिलेको उपलव्धीको रक्षा गर्नको लागी पनि वापन्थी दललाई मत दिनुपर्ने बताउनुभयो ।
कार्यक्रममा बाग्लुङ २(ख) का प्रदेशसभा उमेद्वार खिमविक्रम घर्तीले जनताका समस्या र विकासको चाहनामा आफू सँगसँगै रहने प्रतिवद्धता व्यक्त गर्नुभयो ।
नेपाल कम्युनिष्ट पार्टी (नेकपा) निसीखोला वडा नं ७ का अध्यक्ष खुमान थापाको अध्यक्षतामा सुरू भएको कार्यक्रममा बिशिष्ट अतिथिको रुपमा बोल्दै ढोरपाटन नगरपालिकाका मेयर देब कुमार नेपालीले विकास समृद्धिको साथै स्वाभिमान रक्षाको लागि शाहीलाई अत्याधिक बहुमतले बिजय गराऊन अनुरोध गर्नुभयो ।
नेकपा निसीखोला गाऊँपालिका सदस्य रेसम पुनको स्वागत मन्तव्यबाट सुरु भएको कार्यक्रममा नेकपा नेता सेरमान घर्ती मगर, नेकपा प्रदेश समिती सदस्य प्रेम घर्ती मगर, जिल्ला सदस्य लालबिर लोप्चन निसीखोला गाऊपालिका सदस्य चुडा ब. राना लगायतका वक्ता हरुले मन्तव्य व्यक्त गर्नुभएको थियो ।
नेकपा जिल्ला नेता कृष्ण पाठक, जिल्ला सदस्य केशर छन्त्याल, निसीखोला गाँऊपालिका अध्यक्ष कुबिर बिश्वकर्मा, सचिब रुद्र पौडेल, नेकपा नेता झक बहादुर कुँवर स्वतन्त्र दलित सन्जाल निसीखोलाका अध्यक्ष रिम वहादुर बिश्वकर्मा, अखिल (छैठौं) बागलुङका अध्यक्ष इन्द्रमणी पाण्डे, अनेरास्ववियु का महेन्द्र चन्द्र, राष्ट्रिय जनमोर्चा का नेता मिलन हमाल, रमेश शाही, कृष्ण शाही लगायतका अन्य नेता तथा कार्यकर्ताहरुको सहभागिता रहेको थियो ।
सोही अवशरमा नेपाली कांग्रेसका थुप्रै कार्यकर्ता बाम गठबन्धनमा प्रवेश गरेका थिए । भोली मंसीर २ गते उमेदवार सहित टोलीको कार्यक्रम तमान गाँउपालिका १ र २ को बोङ्गादोभानमा हुने छ । भने अन्य टोलीको कार्यक्रम तीनै वटा वडाको बिभिन्न वडामा हुने छ ।
