केरसिंह अदै, कपिलवस्तु ।
कपिलवस्तुमा पूर्वगाविस अध्यक्षसहित ५५ जना राष्ट्रिय जनमोर्चामा प्रवेश गरेका छन् । विजयनगर– ६ जुटपानीमा आयोजित पार्टी प्रवेश कार्यक्रममा कपिलवस्तुको पश्चिम विजयनगर गाउँ पालिकामा पूर्व गाविस अध्यक्ष विभिन्न दलका नेता कार्यकर्ता राजमोमा प्रवेश गरेका हुन् ।
२०५४ को स्थानीय निर्वाचनमा स्वतन्त्रबाट गाविस अध्यक्षमा विजय भएका विजय नगर– ६ का अमृत यादव (मन्त्राज यादव) लगायत ५५ जना नव प्रवेशीलाई राजमो नेताहरुले पार्टीको सदस्यता प्रदान गरी स्वागत गर्नुभयो ।
कार्यक्रममा पूर्वअध्यक्ष यादवले आफू राष्ट्रिय जनमोर्चाको नीति कार्यक्रम र संघर्षबाट प्रभावित भएर राजमोमा प्रवेश गरेको बताउँदै इमान्दारीका साथ काम गर्ने प्रतिबद्वता जनाउनु भयो ।
नवप्रवेशीहरुलाई अखिल नेपाल किसान महासंघका केन्द्रीय उपाध्यक्ष शिव पौडेल, अखिल नेपाल ट्रेड युनियन महासंघ (अन्टुक) का केन्द्रीय सदस्य केरसिंह अदै, नेकपा (मसाल) का जिल्ला प्रवक्ता छबिलाल गैरेले स्वागत गर्नुभएको थियो ।
त्यस क्रममा उहाँहरुले देशको बर्तमान राजनीतिक परिस्थिति, राजमोको नीति, कार्यक्रम, राष्ट्रियता, एमसीसी सम्झौता विरुद्ध संघर्ष लगायत विषयमा प्रकाश पार्नु भएको थियो ।
त्यस्तै, राजमोमा प्रवेश गर्नु भएका नवप्रवेशीहरुलाई राजमो विजय नगर गाउँपालिका–१ का अध्यक्ष प्रभु यादव, वडा नं ५ का खदेरु पासी, वडा नं , ६ का पतेश्वरी यादव, वडा नं ७ का रामसमारे कोरीले पनि बधाई दिँदै राजमो विजय नगर मजबूत हुँदै गएको बताउनु भयो ।
विजयनगर गाउँपालिकाका अध्यक्ष गोपाल सुनारको अध्यक्षता तथा नगर सचिव गोविन्द, परिवारको सञ्चालनमा कार्यक्रम सम्पन्न भएको थियो ।
