खिमराज चालिसे, चण्डीगढ ।
मूल प्रवाह अखिल भारत नेपाली एकता समाज चण्डीगढ नगर समितिअन्तर्गत एरिया भेला गर्ने क्रममा अगस्त २१, २०२१ का दिन सिटी एरियाको भेला सम्पन्न भएको छ । केन्द्रीय सदस्य दिनेश खड्काले ब्यानर खोलेर उद्घाटन गर्दै सो भेला सम्पन्न भएको हो ।
भेलाले दुर्गा विकको अध्यक्षतामा ११ पूर्ण दुई वैकल्पिक र चार सल्लाहकार गरी १७ सदस्यीय एरिया सङ्गठन समिति निर्माण गरेको छ ।
समितिमा सचिव अर्जुन विक, कोषाध्यक्ष प्रेम गुरुङ, सदस्यमा किसन पान्डे, राजेन्द्र एमसी, दानबहादुर जिसी, मधु सुवेदी, विष्णु गिरी, श्याम गिरी, पुरन थापा बी, प्रितम खडका, वैकल्पिक सदस्यमा गङ्गाराम बेलबासे, निमानन्द आचार्य र सल्लाहकारमा थमन थापा, हेमबहादुर कनौजिया, गोपाल नेपाली र काँशीराम डाँगी रहनुभएको छ ।
नवनिर्वाचित समितिको घोषणा केन्द्रीय सल्लाहकार खिमराज चालिसेले गर्नुभएको थियो । भेलालाई मूल प्रवाहका केन्द्रीय सल्लाहकार तिलक पौडेल, महिला क्षेत्रीय विभागकी सचिव जुना चालिसे, विद्यार्थी केन्द्रीय सदस्य विष्णु बेलबासे, नगर अध्यक्ष मानबहादुर केसी, जनजाति विभागका थमन थापा, नगर सचिव तेजबहादुर रोका, इन्डस्ट्रियल एरियाबाट थानेश्वर पाण्डे, मध्यसिटि एरियाबाट जमुना खड्का, समता विभागका लीला विक, विद्यार्थी सङ्घका नगर अध्यक्ष नारायण आचार्य, नगर समितिका बेगम कुँवरलगायत हुनुहुन्थ्यो ।
कार्यक्रम अर्जुन विकको सञ्चालन तथा दुर्गा विकको अध्यक्षतामा सम्पन्न भएको थियो । उपस्थित सबैलाई किसन पाण्डेले स्वागत गर्नुभएको थियो ।
