मेघराज रिष्मेली, जापान ।
जापानमा रहेका नेपालीहरूले बागलुङमा दुर्घटनामा परी मृत्यु भएका यमबहादुर परियारको परिवारलाई आर्थिक सहयोग गरेका छन् ।
जापान नेपाली एकता समाजको समन्वय र एकता नौमती बाजा समूह ओसाका जापानको बिशेष पहलमा मृतक यमबहादुरको परिवारलाई आर्थिक सहयोग गरिएको हो ।
जापानमा रहेका नेपालीहरूबाट संकलन भएको १ लाख ७४ हजार ५०५ रुपैयाँ मृतकका परिवारका सदस्यलाई हस्तान्तरण गरिएको छ ।
सहयोग रकम जापान नेपाली एकता समाज जापानका पूर्वउपाध्यक्ष एवम् एकता नौमती बाजा समूहका संस्थापक सदस्य यमलाल सापकोटा, जापान नेपाली एकता समाज जापानका केन्द्रीय सदस्य तथा नौमती बाजा समूहका सदस्य भक्त सापकोटा, राष्ट्रिय जनमोर्चाका केन्द्रीय सल्लाहकार एवम् गण्डकी प्रदेशका सचिव बेदीलाल सापकोटा र मृतकका भाइ तथा एकता नौमती बाजा समूह जापानका सदस्य राजु परियारले हस्तान्त्रण गर्नुभएको थियो ।
यस अभियानमा आर्थिक सहयोग जुटाउन बिशेष पहल गर्नुहुने एकता नौमती बाजा समूहका सदस्यहरू मन बहादुर सलामी, गोपाल खत्री, दिलु खत्री, गोपाल सापकोटा, मेघराज रिष्मेली, तेजु केसी, टिका केसी दिपक, भक्त सापकोटा, देब केसी, खिम खरेल, कमल परियार, प्रोफेसर बुढाथोकी, राजु परियार, दिपक परियार सहित जापान नेपाली एकता समाजका महासचिव तेजेन्द्र क्षेत्री लगाय एकता समाज र सहयोग गर्नुहुने सम्पुर्ण जापानबासी नेपालीहरूलाई मृतक परियारको परिवारले आभार व्यक्त गरेका छन् ।
बागलुङ जिल्लाको गलकोट नगरपालिका–८ का यमबहादुर गत साउन ७ गते खेतमा लगाएको पानी बन्द गर्न जाने क्रममा कुलोमा परेर मृत्यु भएको थियो । मृतक यमबहादुर नौमती बाजा समूह जापानका सदस्यद्वय राजु परियारका दाजु र दिपक परियारका काका हुन् । परियारका एक श्रीमती र तीन छोराहरू छन्।
