बेइजिङ । कोरोना भाइरसको उद्गम स्थल चीनमा पछिल्लो समयमा नयाँ सङ्क्रमित भेटिने क्रम बढेको बताइएको छ ।
चीनमा जुन २५, २०२१ का दिन कोरोनाका ४० जना नयाँ सङ्क्रमित भेटिएको नेसनल हेल्थ कमिसनले जानकारी दिएको छ । ती सङ्क्रमित चीनभित्रैबाट सङ्क्रमणमा परेका पाइएको बताइएको छ ।
चीनको जाङ्सु र लियानिङमा ती सङ्क्रमित पाइएको बताइएको छ । ती क्षेत्रमा विगतका केही दिनदेखि निरन्तर नयाँ नयाँ सङ्क्रमित देखिने गरेका छन् । चीनभित्रै पनि सङ्क्रमणका नयाँ घटना भएका ती अधिकारीले जनाएका छन् ।
जुलाई २५ मा मात्र चीनमा कोरोनाका यी सङ्क्रमित भित्रैबाट देखिएका र अरू ३६ जना बाहिरबाट आएका नागरिकमा पाइएको छ ।
चीनको युनान प्रान्तमा देखिएका ती ३६ जना बाहिरबाट आएका नागरिक रहेको चिनियाँ अधिकारीले जनाएका छन् । स्थानीय नागरिकमै सङ्क्रमण देखिएपछि नेसनल हेल्थ कमिसनले चिन्ता व्यक्त गरेको छ । सोही कारणले चीनले पछिल्लो समयमा कोरोनाको परीक्षणलाई तीव्रता दिएको छ ।
चीनले कोरोना निको भएका नागरिकको पुनः स्वास्थ्य जाँच सुरु गरेको छ । यहाँ पछिल्ला हप्तामा हेलिङजाङ, हेइबेई, साङ्घाइमा पनि सङ्क्रमित देखिएका छन् ।
त्यस्तै, चीनले विशेषगरी ती क्षेत्रमा निको भएका बिरामीमाथि पनि नजर राख्न थालेको छ र उनीहरूको पुनः स्वास्थ्य परीक्षण गर्ने काम केही महिनायतादेखि नै थालेको जनाएको छ । (रासस/सिन्ह्वा)
