काठमाडौँ । सुरक्षाविज्ञहरूले अफगानिस्तानमा कार्यरत नेपालीहरूलाई तत्कालै फिर्ता गर्नुपर्ने आवश्यकतामा जोड दिएका छन् ।
अफगानिस्तानबाट अमेरिकी सेना फिर्ता भइसकेको अवस्थामा नेपालीहरूलाई तत्कालै फर्काउनुपर्ने सुरक्षाविज्ञ डा. प्रेमसिंह बस्न्यातको भनाइ छ ।
२०७८ साउन ३ गते ट्विट गर्दै डा. बस्न्यातले यस्तो आवश्यकतामाथि जोड दिएको हुन् ।
“धेरै नेपाली सुरक्षालगायतका कामका लागि अमेरिकी र पश्चिमाको कम्पनीमा अफगानिस्तानमा काम गरिरहेका छन्” उनले ट्विटमा लेखेका छन्– “अमेरिकी सेना सबै फर्कनुअगाडि सबै नेपाली कामदारलाई नेपाल फर्काउनु अनिवार्य छ, अन्यथा अमेरिका समर्थित नेपाली ठानेर हाम्रा दाजुभाइमाथि अप्रिय घटना घटाउन सक्ने छ, तालेबानले ।”
केही दिनयता अफगानिस्तानमा सरकार र तालिबानमाझ सशस्त्र द्वन्द्व चलिरहेको छ । त्यस क्रममा गत चार दिनयता ९५० जनाभन्दा बढी तालिबानको मृत्यु भएको सरकार पक्षको दाबी छ । उता, तालिबानले पनि अफगानिस्तानका कतिपय स्थान कब्जामा लिएको दावी गरिरहेको छ ।
धेरै नेपालीहरु सुरक्षा लगायतका कामकोलागि अमेरिकि र पस्चिमाहरुको कम्पनिहरुमा अफगानिस्थानमा काम गरिरहेका छन। अमेरिकि सेना सबै फर्कनु अगाडि सबै नेपाली काम्दारलाई नेपाल फर्काउनु अनिबार्यछ। अन्यथा अमेरिकि समर्थित नेपाली ठानेर हाम्रा दाजु भाई माथि अप्रिय घटना घटाऊन सक्नेछ, तालेबानले
— Prem Singh Basnyat, PhD (@prembasnyat) July 18, 2021
