काठमाडौं । राष्ट्रिय जनमोर्चाले नेपालको सार्वभौकिता रक्षाका लागि भारतीय विस्तावादविरुद्ध एकताबद्ध भएर दृढतापुर्वक संघर्ष गर्न अपिल गरेको छ ।
नेपालमाथि भारतीय साम्राज्यवादले लगातार हस्तक्षेप गर्दै आइरहेकोमा पछिल्लो समयमा नेपालको भूभाग लिम्पियाधुरा, कालापानी र लिपूलेकलाई आफ्नो भूभागमा पारेर थप नाङ्गो रुपमा प्रकट भएको राजमोले जनाएको छ ।
अध्यक्ष चित्रबहादुर केसीले एक वक्तव्य प्रकासित गरी देशको राष्ट्रियता र सार्वभौकिता रक्षाका लागि नेपाली जनताले लगातार संघर्ष गरिरहेको स्मरण गर्दै अझ एकतावद्ध भएर दृढतापूर्वक संघर्ष गर्न आह्वान गर्नुभएको छ ।
अध्यक्ष केसीद्वार बिहीबार जारी वक्तव्यमा भनिएको छ- नेपालको भूभाग लिम्पियाधुरा, कालापानी र लिपूलेकलाई आफ्नो भूभागमा पारेर भारतले नयाँ राजनीतिक नक्सा सार्वजनिक गरेको छ । भारतीय साम्राज्यवादको नेपालमाथि पटक पटकका हस्तक्षेपको श्रृंखलामा यो अर्को घटना हो ।
हामी भारतीय साम्राज्यवादद्वारा नेपालको सार्वभौमिकतामाथि भएको यसप्रकारको हस्तक्षेपको हाम्रो पार्टीले तीब्र शब्दमा विरोध र भ्रत्र्सना गर्दछ । देशको अखण्डता र सार्वभौमिकताको रक्षाका लागि भारतीय पक्षस“ग आवश्यक पहलकदमी अगाडि बढाउनको लागि नेपाल सरकारको ध्यान आकर्षित गर्दछौँ ।
भारतीय साम्राज्यवादले नेपालको सीमा, प्राकृतिक स्रोत साधन र राजनीतिक क्षेत्रमा पनि बिभिन्न बहानामा हस्तक्षेप गर्दै आएको छ । भारतको नेपालमाथि हुने गरेको त्यसप्रकारको साम्राज्यवादी व्यवहारका विरुद्ध नेपाली जनताले लामो समयदेखि सङ्घर्ष गर्दै आएका छन् ।
अगाडिका दिनहरुमा पनि भारतीय साम्राज्यवादका विरुद्ध नेपाली जनताले दृढतापूर्वक सङ्घर्ष गरेर नेपालको सार्वभौमिकताको रक्षा गर्न सफलता प्राप्त हुनेछ भन्ने हामीलाई विश्वास छ । हामी सम्पूर्ण देशभक्त शक्ति तथा नेपाली जनतालाई यस सन्दर्भमा पनि भारतीय साम्राज्यवादका विरुद्ध एकतावद्ध र दृढतापूर्वक खडा हुन हार्दिक अपिल गर्दछौँ ।
यसैबीच शुत्रबार नेकपा (मसाल) निकट जनवर्गीय संगठनहरुले काठमाडौंमा भारतीय हस्तक्षेप विरुद्ध जुलुशसहित भारतीय दूतावास लैनचौर अघि विरोध प्रदर्शन गर्ने भएका छन् ।
