काठमाडौँ । कैलालीको एउटा जोडी अन्तरजातीय विवाद गर्दा २१ दिनदेखि जङ्गलमा बास बसिरहेको छ ।
कैलाली भजनी गाउँपालिका–४ भलझलियाका प्रकाश विश्वकर्मा र मालती रावलले अन्तरजातीय विवाह गरेकै कारणले आफूहरू जङ्गलमा बस्नुपरेको बताएका छन् ।
उनीहरूले जनताबाट सहयोगको अपेक्षा गर्दै सङ्क्षिप्त भिडियो क्लिप पनि सार्वजनिक गरेका छन् । उक्त भिडियो ट्विटरमा जेबी विश्वकर्माले ट्विट गरेका छन् ।
भिडियोमा मालती रावलले पेटमा बच्चा भएको बताउँदै आफूहरूमाझ गहिरो माया भएकाले बिहे गरेको दावी गरेकी छिन् । उनले आफूहरू एकर्काबिना रहने नसक्ने पनि बताएकी छिन् ।
यता, प्रकाश विश्वकर्माले बिहे गरेका कारणले बारम्बार धम्काइरहेको बताएका छन् ।
उनले भनेका छन्– ‘रुकुम काण्ड दोहोरिन सक्छ भनेर घरपरिवारबाट धम्की आइरहेको छ ।’
प्रकाश र मालतीले घरपरिवारले उनीहरूका विरुद्ध जबर्जस्ती मुद्दा हालेको पनि दावी गरेका छन् ।
“हामी भागेर जंगलमा बसिरहेका छौं”
कैलालीका भजनी नगरपालिका-४ भलझलियाका प्रकाश विश्वकर्मा र मालती रावल अन्तरजातीय विवाहका कारण भाग्दै जंगलमा बसिरहेको भिडियो सार्वजनिक भएको छ । उहाँहरुले जीवन रक्षाको लागि सहयोगको अपेक्षा गर्नुभएको छ । प्रकाशको आफन्तबाट प्राप्त भिडियो@NepalPoliceHQ pic.twitter.com/BjF7bA1Ogo— J B Biswokarma (@JBBiswokarma) July 9, 2021
