काठमाडौँ । मनसुनी वायुको प्रभाव अझै तीन दिन रहने भएको छ ।
सो वायुले हाल प्रदेश नं. २ र बागमतीमा आंशिकदेखि सामान्य बदली र बाँकी प्रदेशमा सामान्यदेखि पूर्ण बदली तथा गण्डकी, लुम्बिनी र सुदूर पश्चिमका केही स्थानमा हल्कादेखि मध्यम वर्षा भइरहेको छ ।
जल तथा मौसम विज्ञान विभाग, मौसम पूर्वानुमान महाशाखाका अनुसार अहिले कर्णाली तथा सुदूर पश्चिममा आंशिकदेखि सामान्य बदली रही देशका बाँकी भूभागमा सामान्यदेखि बदली रहने छ । प्रदेश नं. १, २, बागमती, गण्डकी र लुम्बिनीका केही स्थान तथा कर्णाली र सुदूर पश्चिमका थोरै स्थानमा हल्कादेखि मध्यम वर्षाको सम्भावना छ ।
राति देशका अधिकाश भूभागमा बदली रहनुका साथै प्रदेश नं. १, २, बागमती, गण्डकी र लुम्बिनीका थोरै स्थानमा तथा कर्णाली र सुदूर पश्चिमका थोरै स्थानमा हल्कादेखि मध्यम वर्षाको सम्भावना छ । प्रदेश नं. १ का एकदुई स्थानमा मेघगर्जन, चट्याङसहित भारी वर्षाको सम्भावना छ ।
बुधबार देशका अधिकांश भूभागमा सामान्यदेखि पूर्ण बदली रहने छ । प्रदेश नं. १, २, बागमती, गण्डकी र लुम्बिनीका केही स्थान तथा कर्णाली र सुदूर पश्चिमका थोरै स्थानमा हल्कादेखि मध्यम वर्षाको सम्भावना छ । प्रदेश नं १, २, बागमती र गण्डकीका थोरै स्थानमा मेघगर्जन, चट्याङसहित भारी वर्षाको सम्भावना छ ।
बिहिबार यही मौसमी प्रणाली कायम रहने छ ।
