बेइजिङ । चीनका राष्ट्रप्रमुख सी चिनफिङले फ्रान्सका राष्ट्रपति इम्यानुएल म्याक्रोन र जर्मनीका चान्सलर एन्गेला मर्केलसँगको भिडियो सम्मेलनमा चीनले अरूको स्थान कब्जा गर्न नचाहेको तर आफ्नो विकासमा दृढ रहेको बताउनुभएको छ ।
सम्मेलनमा उहाँले विश्व महामारीको परिस्थिति अझै गम्भीर रहिरहेको तथा आर्थिक पुनरुत्थानको सम्भावना राम्रो नभएको बताउनुभएको बुभिएको छ । विश्वले पारस्परिक रूपमा सम्मान र सहकार्य गर्नुपर्ने कुरामा जोड दिँदै उहाँले भन्नुभयो– ‘चीनले आफ्नो सर्वाङ्गीण विकास गर्ने अग्रसर रहेको तर अरूलाई प्रतिस्थापन गर्न नचाहने कुरा व्यक्त गर्नुभयो ।
उक्त अवसरमा उहाँले दुबै राष्ट्रका नेताहरूसँग ‘बेल्ट एन्ड रोड’ मा सहकार्यका लागि विश्व समुदायलाई प्रस्ताव प्रस्तुत गर्नुको उद्देश्य साझा विकासको मौकाको सिर्जना गर्नु भएको बताउनुभयो ।
युरोपले अन्तर्राष्ट्रिय मामिलामा सकारात्मक भूमिका निर्वाह गर्ने, विश्व शान्ति, विकास र समृद्धिको संयुक्त रूपमा संरक्षण गर्ने आसा पनि राष्ट्रपति सीले गर्नुभयो ।
यसैबिच, फ्रान्सका राष्ट्रपति म्याक्रोनले फ्रान्सले चीनसँग विश्व व्यापार सङ्गठनको सुधार, जलवायु परिवर्तनको सामना, जैविक विविधताको संरक्षण आदि क्षेत्रमा घनिष्ट सम्पर्क गर्ने आसा लिएको बताउनुभएको छ ।
जर्मन चान्सलर मर्केलले जर्मनीले चीनसँग खोपको निष्पक्ष उत्पादन र वितरण, मानिसको पुनः आवतजावत तथा व्यापार आदानप्रदानका लागि सहकार्यका लागि आह्वान गर्नुभयो । (रासस÷सिन्हवा)
