मस्को । मङ्गलबार बिहान २९ यात्रु लिएर रुसको सुदूरपूर्वी क्षेत्रबाट उडेको रुसी विमान दुर्घटनाग्रस्त भएको स्थानीय सञ्चार माध्यमले जनाएका छन् ।

विमानमा छ चालक दलका सदस्यसहित २९ जना यात्रु रहेको रूसी समाचार संस्था स्पुटिनकले जानकारी गराएको छ । प्रारम्भिक जानकारी अनुसार विमानमा एक बच्चा, छ चालकदलका सदस्य र २२ जना यात्रु थिए ।

रुसको पेट्रोपाभलोस्क–कामचास्कीबाट पालानाका लागि उडेको विमान कामचात्का क्षेत्रबाट मङ्गलबार अपराह्न रार्डरसँग सम्पर्क बिच्छेद भएको रुसी आपतकालीन सेवा मन्त्रालयको प्रमुख महानिर्देशनालयले जानकारी गराएको छ ।

विमानबारे थप जानकारी सङ्कलन भइरहेको रूसी प्रशासनले बताएको छ । (एजेन्सी)