काठमाडौँ । नेकपा (मसाल) ले बागलुङ बडीगाड–७ निवासी खप्रसाद बुढाप्रति श्रद्धाञ्जली प्रकट गरेको छ ।
खप्रसाद बुढा नेकपा (मसाल) को पार्टीसदस्य भएको बताउँदै पार्टीले उहाँप्रति श्रद्धाञ्जली तथा शोकसन्तप्त परिवारप्रति समवेदना प्रकट गरेको हो ।
पार्टीको तर्फबाट महामन्त्री मोहनविक्रम सिंहले २०७८ असार ६ गते शोकवक्तव्य जारी गर्दै श्रद्धाञ्जली तथा समवेदना प्रकट गरिएको हो ।
यस्तो छ, शोकवक्तव्य
“बागलुङ जिल्ला, बडीगाड गाउँपालिका–७ असारे माझखेत निवासी का. खप्रसाद बुढा (का. झरना) को २०७८ असार ३ गते ९१ वर्षको उमेरमा मृत्यु भएको छ । उहाँको मृत्युप्रति हामीले गम्भीर दुःख प्रकट गर्दै सन्तप्त परिवारजनप्रति हार्दिक समवेदना प्रकट गर्दछौँ ।
उहाँ हाम्रो पार्टीको धेरै लामो समयदेखि सदस्य रहँदै आउनुभएको थियो । उहाँले पार्टीका विभिन्न जनवर्गीय सङ्गठनमा रहेर काम गर्नुभएको थियो । का. बुढा अनुशासित, धैर्य र कर्तव्यप्रति प्रतिबद्ध पार्टीसदस्य हुनुहुन्थ्यो । उहाँको मृत्युबाट पार्टीले एक निष्ठावान सदस्य गुमाउनुको साथै पार्टीको आन्दोलनमा गम्भीर क्षति पुगेको छ । हामीले उहाँप्रति हार्दिक श्रद्धाञ्जली प्रकट गर्दछौँ ।”
