कावासोती । मूल प्रवाह अखिल भारत नेपाली एकता समाजका पूर्व केन्द्रीय वैकल्पिक सदस्य चित्रबहादुर पुनको निधन भएको छ ।
५७ वर्षीय पुनको आइतबार राती आफनै निवास गैँडाकोट नगरपालिका–१५ झहरेखोलामा हृदयघातबाट निधन भएको हो ।
बागलुङ बरेङ गाउँपालिका–१ धावबाट बसाइ सरेर नवलपुर आउनुभएका पुन तेलङ्गानाको नालगोन्डामा नोकरी गर्नुहुन्थ्यो । त्यहँबाट उहाँ मूल प्रवाह अखिल भारत नेपाली एकता समाजको एरिया समिति, नगर समिति, मध्यदक्षिण क्षेत्रीय समिसत हुँदै केन्द्रीय समितिको वैकल्पिक सदस्यसमेत रहेर गत ३० वर्षदेखि भारतस्थित श्रमजीवी नेपालीहरूको हकहित र उत्थानको पक्षमा क्रियाशील हुनुहुन्थ्यो ।
जागिरबाट अवकास लिई स्वदेशमै गएर देश र जनताको सेवा गर्ने प्रतिबद्धता जनाउनुभएका पुनलाई मूल प्रवाह अखिल भारत नेपाली एकता समाजको गत मार्च २१–२२, २०२१ मा बसेको केन्द्रीय समितिको बैठकले ससम्मान बिदाइ गरी नेपाल सरुवा गरेको थियो ।
उहाँका श्रीमतीसहित दुई छोरी र एक छोरा रहेका छन् ।
आइतबार साँझ परिवारको उपस्थितिमा श्रद्धाञ्जली कार्यक्रमसहित उहाँको अन्त्यष्टि गरिएको छ । श्रदाञ्जली कार्यक्रममा राष्ट्रिय जनमोर्चा भरतपुरका सल्लाहकार प्रजापति पौडेलले कार्यक्रम सञ्चालन गर्नुभएको थियो भने राष्ट्रिय जनमोर्चाको तर्फबाट निर्वाचित गैंडाकोट नगरपालिका–१४ का वडाध्यक्ष गणेश ज्ञवाललिे कम्युनिस्ट पार्टीको झण्डा ओढाई सम्मान गर्नुभएको थियो ।
