काठमाडौँ । पछिल्लो २४ घण्टामा ४,३६९ जनामा कोरोना भाइरस सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार १० हजार ९८६ जनामा पिसिआर परीक्षण गर्दा ३७०२ र १७८४ एन्टिजेन परीक्षणमा ६६७ जना गरी ४,३६९ जनामा सङ्क्रमण पुष्टि भएको हो ।

पछिल्लो २४ घण्टामा कोरोना भाइरसबाट सङ्क्रमणमुक्त हुनेको सङ्ख्या ६ हजार २०५ रहेको छ । कोरोना सङक्रमणका कारण १०९ जनाको मृत्यु भएको छ ।

पछिल्लो २४ घण्टामा काठमाडौँ उपत्यकामा १,०९३ जनामा कोरोना भाइरस सङ्क्रमण पुष्टि भएको छ ।

मन्त्रालयका अनुसार काठमाडौँ जिल्लामा ८०४, ललितपुरमा १७६ र भक्तपुरमा ११३ जनामा सङ्क्रमण पुष्टि भएको छ ।