काठमाडौं । बेलायत सरकारले कोरोना महामारीविरुद्ध लड्न नेपाललाई विभिन्न स्वास्थ्य सामग्री सहयोग गरेको छ । ती सामग्री शुक्रबार त्रिभुवन अन्तर्राष्ट्रिय विमानस्थलमा नेपालका लागि बेलायती राजदूत निकोला पोलिटले स्वास्थ्यमन्त्री हृदयश त्रिपाठीलाई हस्तान्तरण गर्नुभएको छ ।

बेलायतले २६० थान भेन्टिलेटर, १९ हजार २ सय थान फेससिल्डलगायत स्वास्थ्य सामग्री सहयोग गरेको हो । परराष्ट्र मन्त्रालयले जारी गरेको प्रेस विज्ञप्तिअनुसार सोही उडानबाट च्यारिटी संस्था नेपाल मेड यूकेले प्रदान गरेको अक्सिजन कन्सन्ट्रेटर पनि ल्याइएको छ ।

यस्तै, गैरआवासीय नेपाली सङ्घ यूके तथा नेपाली राजदूतावासको समन्वयमा १० वटा अक्सिजन कन्सन्ट्रेटर पनि सोही विमानबाट नेपाल सरकारले प्राप्त गर्ने गरी पठाइएको छ ।