काठमाडौं । गएको २४ घण्टामा नेपालमा ६ हजार ७१४ जनामा कोरोना भाइरसको संक्रमण पुष्टि भएको छ ।

१९ हजार ३० जनाको पीसीआर गर्दा ६ हजार ६७७ र ३२२ जनाको एन्टिजेन परीक्षण गर्दा ३७ जनमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यो अवधिमा थप ६ हजार ७१६ जना संक्रमणमुक्त भएका छन् । दोस्रो लहर सुरु भएयता नयाँ संक्रमितभन्दा निको हुनेको संख्या आज पहिलोपटक बढेको हो ।

आज थप १४५ जनाले ज्यान गुमाएका छन् । यो सँगै मृत्यु हुनेको संख्या ६ हजार ८४५ पुगेको छ ।

छिल्लो २४ घण्टामा काठमाडौं उपत्यकामा १ हजार ४९३ जनामा संक्रमण पुष्टि भएकोमन्त्रालयले जानकारी दिएको छ । यसमध्ये काठमाडौँमा १ हजार १३९, ललितपुर २४१ र भक्तपुरमा ११३ जना संक्रमित थपिएका हुन् ।