काठमाडौं । भारतले धौलीगंगा बाँधको ढोका खोल्ने जनाएको छ । वर्षाका कारण पानीको सतह बढको भन्दै बाँधको ढोका खोल्ने भएपछि महाकाली नदीमा पानीको बहाव बढ्ने भएको छ ।

भारतीय प्रशासनले जुनसुकै बेला बाँधको ढोका खेलिने भन्दै जिल्ला प्रशासन कार्यालय दार्चुलालाई पत्र पठाएको छ ।

‘वर्षाका कारण नदीको जलस्तरमा वृद्धि भइ बाँधको पानी खाली गर्ने प्रयोजनका लागि उक्त बाँधको ढोका खोलिने भनि एनएचपीसी लिमिटेड, धौलीगंगा पावर स्टेसन, धार्चुला, पिथौरागढ भारत पक्षबाट पत्राचार भएको’ दार्चुला प्रशासनले जनाएको छ ।

बिहीबार सूचना प्रकाशित गरी प्रशासनले जुनसुकै बेला महाकाली नदीमा पानीको बहाव बढ्ने भन्दै नदी किनारका बासिन्दालाई पूर्वसर्तकता अपनाउन आग्रह गरेको छ । महाकालीमा पानीको बहाव बढ्दा दार्चुलादेखि कञ्चनपुरसम्म नदी तटीय क्षेत्रमा असर गर्न सक्छ ।